Zyakwaambilizya
◼ Mabbuku aakumwaya mu December: Muntu Mupati Kwiinda Iwakaponede. Ikuti kamutalijisi bbuku eeli, inga mwabelesya Ibbuku Lyangu Lyamakani Aa-Bbaibbele, Baibulo—Kodi Ndilo Mawu a Mulungu Kapena a Munthu? naa lya Mulakonzya Kupona Kukabe Kutamani mu-Paradaiso Anyika. Ikuti mbungano kaitaajisi mabbuku aaya, amulange naa mbungano zili afwaafwi zilijisi mabbuku aayindilila ngomukonzya kubelesya. January: Kufwumbwa bbuku lyamapeeji aali 192 ilyakamwaigwa kautanasika mwaka wa 1988 eelyo liciliko mumbungano. Alimwi mbungano izicijisi bbuku lya Mankind’s Search for God zilakonzya kulimwaya. February: Amubaa Cilongwe a Jehova. March: Luzibo Lutola Kubuumi Butamani. Amubikkile maanu kukutalisya ziiyo zya Bbaibbele zyaaŋanda.
◼ Ciibalusyo camu mwaka wa 2004 ciyooba mu Nsondo, mu April 4 lyaakubbila buyo izuba. Twamuzibizyila limwi kutegwa bakwesu baswaanganina mu Ŋanda ya Bwami iibelesyegwa ambungano zinji batalikile limwi kulomba masena aambi mobatiikaswaanganine. Ibaalu beelede kuzuminizyanya abeendelezi bamasena aayo kutegwa kutakabi zintu zinyonganya ziyoocitilwa mumasena aayo kucita kuti Ciibalusyo cikacitwe kabotu alimwi muluumuno. Mbouli muswaangano uuyandika kapati, ibaalu nobasala mwaambi wamakani aa Ciibalusyo beelede kusala umwi wabaalu uuyelela muciindi cakwiide kucinca-cinca naa kubelesya mukwesu nguwenya mwaka amwaka. Ikuti kakuli mwaalu weelela umwi wabananike uukonzya kwaakanana makani, mulakonzya kumusala.
◼ Boonse basikumwaya babbapatizyidwe ibayoojanika lya Muswaangano Wamulimo munsondo iitalika mu January 6 bayootambula kkaadi ya Advance Medical/Release alimwi ama Identity Card aabana babo.
◼ Kuli kucinca kujatikizya mbociya kweendelezyegwa Cikolo Camulimo Weendelezyegwaa Leza munsondo yakuswaya kwamulangizi wabbazu. Kutalikila mu January 2003, lwamana buyo lwiimbo lwakujula alimwi amupailo, cikolo ciya kweendelezyegwa kwamaminiti aasika ku 25. Kuyookananwa makani aamaminiti aali 5 ayeeme acibeela cakukanana, makani aamalailile aamaminiti aali 10 alimwi atwaambo tupati-pati kuzwa mu Bbaibbele kwamaminiti aali 10. Makani Na. 2, 3 alimwi a 4 taakooyookananwa pe. Cikolo ciyootobelwaa Muswaangano Wamulimo uyoocitwa kwacisela cawoola. Lwaakumana lwiimbo, kuyooba pulogilamu yamulangizi wabbazu kwacisela cawoola mpoonya lwiimbo lwamamanino alimwi amupailo ziyootobela.
◼ Mabbuku Mapya Aaliko:
Sungwaala Kukubala Akukulemba—Cibemba