Zyakwaambilizya
◼ Mabbuku aakumwaya mu September: Life—How Did It Get Here? By Evolution or by Creation? (impati naa nsyoonto) October: Amumwaye Ngazi Yamulindizi alimwi a Galamukani! Mwajana bantu bajisi luyandisisyo, amubaabile broshuwa ya Ncayanda akusolekesya kutalisya ziiyo zya Bbaibbele. November: Amumwaye broshuwa ya Ncinzi Leza Ncayanda Kulindiswe? naa bbuku lya Luzibo Lutola Kubuumi Butamani. Aawo mpomutiijane kuti mwiniŋanda ulaajisi kale mabbuku aaya, amumupe bbuku lya Amukombe Leza Mwini-Mwini Uuli Alikke antela ilimbi lyakaindi. December: Muntu Mupati Kwiinda Iwakaponede. Ikuti kamutalijisi bbuku eeli, inga mwabelesya Ibbuku Lyangu Lyamakani Aa-Bbaibbele, Baibulo—Kodi Ndilo Mawu a Mulungu Kapena a Munthu? naa lya Mulakonzya Kupona Kukabe Kutamani mu-Paradaiso Anyika.
◼ Mulawo wakubweza zitupa wa National Registration Regulations mu Zambia waamba kuti, ibana Zambia boonse ibajisi myaka iitandila naa kwiinda ku 16, beelede kuunka ku Ofesi lya National Registration iili afwaafwi ankobakkala kuyoobweza citupa cabusicisi. Mulawo ooyu ulabikkilizya abaabo bakacinca mazina aabo. Boonse aabo bajatikizidwe bayandika kufwambaana kwaalanganya makani aaya akwaabona kuba mulawo wamfwulumende Munakristo uuli woonse ngwayelede kutobela. Ibaalu boonse alimwi abazyali beelede kucibikka mumizeezo eeci akubayeezya bakwesu bakubusi alimwi abacizyi balaa myaka iitandila ku 16.
◼ Ofesi lyamutabi talitumini oda yamabbuku yasikumwaya omwe buyo. Imulangizi weendelezya weelede kubona kuti mwezi amwezi kulaambilizyigwa kumbungano kaitanatumwa kumutabi oda yaamwezi yambungano, kucita kuti boonse ibayanda mabbuku aabo beni baambile mukwesu uulanganya mabbuku. Kamwaayeyede mabbuku aawodwa buyo caalubazu.
◼ Baalu bayeezyegwa kuti baatobele kabotu malailile aapedwe mu Ngazi Yamulindizi yamu Chichewa yamu April 15, 1991 muncali 21-23 kujatikizya baabo bakagusyigwa naa bakalizandula balo ibayanda kupilusyigwa mumbungano.
◼ Makani aalubazu aa Ciibalusyo mumwaka wa 2004 ayookananwa mu Nsondo, April 18. Mutwe uya kwaambilizyigwa aakale. Eezyo mbungano izinooswaidwe mulangizi wabbazu naa izinoojisi muswaangano wabbazu antela muswaangano waalubazu nsondo eeyo, ziyooba amakani aalubazu nsondo iitobela. Kunyina mbungano yeelede kuba amakani aalubazu kabutanasika buzuba bwa April 18, 2004.
◼ Waini wa Ciibalusyo: Imbungano zyamuminzi inga zyatalika kooda waini lino. Amwiitumine foomu ya S-20 antoomwe amali. Amulembe kabotu-kabotu kuti, “FOR WINE” mumuzila uutalembedwe. Mutatulembeli lugwalo naa kutumina S-14 pe, njiyona S-20 ilabeleka. Ikuti naa tiimwabbadelela limwi, nkokuti tamukatuminwi waini pe. Muulo wakabbodela kawaini ka 200ml ngu K5,000.00. Mu December 31, 2003 mbobuzuba bwakuleka kooda. Waini uyootuminwa mu February 2004.
◼ Ipepa lyalugwalo lwamwaka wa 2004 lyakasimbwa kale lilakonzya koodwa lino. Kuli misyobo yobile iiliko. Eelyo lidula lyuulwa K11,000.00 alimwi lilijisi kale ibunzuka naa gulu yakunamatizya, kakuli eelyo litaduli lyuulwa K3,000.00 alimwi lyakasimbwa acipepa buyo citajisi bunzuka. Mapepa aaya ayeelede koodwa akubbadalwa kwiinda mukubelesya foomu ya S-20, kailembedwe kabotu-kabotu kuti “Lugwalo Lwamwaka” mumuzila nsini alimwi akutondezya mwaambo wini ngomuyanda. MUTABELESYI S-14 PE. Misyobo yoonse yobile yamagwalo aamwaka inooliko mu Chichewa, Chibemba alimwi a Chingisi. Mu Chitonga kuna kuli buyo musyobo uudula (K11,000.00) alimwi uutaduli unakuliko mu Chilozi (K3,000.00). Takukabi lugwalo lwamwaka wa 2004 mu Chilubale. Mbungano zyoonse zilaililwa kuyoobikka lugwalo lwamwaka lupya, mbobuyoosika buyo buzuba bwa January 1, 2004. Mbungano zyeelede kooda buyo lugwalo lwamwaka lomwe mumwaambo umwi aumwi. Ikuti naa mbungano zinji zibelesya Ŋanda ya Bwami yomwe kazibelesya myaambo isiyene-siyene, zilakonzya kooda lugwalo lwamwaka lomwe mumwaambo umwi aumwi.
◼ Mabbuku mapya aaliko:
Amukombe Leza Mwini-Mwini Uuli Alikke—Chichewa a Chitumbuka.
Amukombe Leza Mwini-Mwini Uuli Alikke—Mabala mapati—Chingisi
Amubaa Cilongwe a Jehova—Mabala mapati—Chichewa, Chingisi
Luzibo – Mabala mapati—Chingisi, Chiputyugiizi
◼ CD–ROM mpya iiliko:
Watchtower Library—2001 Edition—Chingisi