Zyakwaambilizya

◼ February: Amubaa Cilongwe a Jehova. Ikuti kalitako bbuku eeli, mulakonzya kubelesya lya Creation (lipati naanka liniini) naa lya Revelation Climax. March: Luzibo Lutola Kubuumi Butamani. Atukasolekesye kutalisya ziiyo zya Bbaibbele zyaaŋanda. Ikuti naa bantu balilijisi kale bbuku eeli, ibbuku lya Amububikkile Maanu Businsimi bwa Daniele! inga lyamwaigwa. April a May: Amwaabile mamagazini aa Ngazi Yamulindizi alimwi a Galamukani! Ciindi nomucita nyendo zyakupilukila kubantu bakatondezya luyandisisyo, ibakonzya kubikkilizya baabo ibakajanika ku Ciibalusyo azintu zimbi zyambungano zyeendelezyegwa a Leza pele ibataswaangani lyoonse ambungano, amubikkile maano ikubaabila bbuku lya Amukombe Leza. Kuyandika kusolekesya kutalisya ciiyo ca Bbaibbele caaŋanda, ikapati ikuti naa bamwi bakaliiya kale bbuku lya Luzibo alimwi abroshuwa ya Ncayanda.

◼ Mulangizi weendelezya naa umwi ngwayootuma weelede kulingula maakkaunti aambungano mu March 1 naa cakufwambaana mbuli mbocikonzyeka bwainda buzuba oobo. Mwaakumana, amukaambilizye kumbungano eelyo nokuyoobalwa lipooti yamaakkaunti iitobela. Amubale twaambo toonse tuzuminizya kutambulwa kwamali oonse mbungano ngoyakasanga kumulimo wanyika yoonse alimwi amali oonse aabelesyegwa ambunga.

◼ Imulembi alimwi amulangizi wamulimo beelede kulanga-langa mulimo wabapaniya boonse baciindi coonse. Ikuti naa bamwi kabatakonzyi kusika amweelwe wamawoola uuyandika, ibaalu beelede kuba abubambe bwakubagwasya. Kutegwa mujane nzila mbomunga mwacicita eeci, amubale magwalo aa S-201 ngomulembelwa mwaka amwaka.

◼ Makani aabuleya aalubazu lyaciindi ca Ciibalusyo camu 2004 anoojisi mutwe wakuti, “Amuyume Akusyoma Jehova.” Amubone kwaambilizya kukozyenye akooku mu Mulimo Wesu Wabwami wamu September 2003.