Zyakwaambilizya
◼ Mabbuku aakumwaya mumwezi wa January: Imabbuku aliwoonse aajisi mapeeji 192 akalembwa kautanasika mwaka wa 1990 alakonzya kumwaigwa. Ikuti kamutaajisi mabbuku aaya, amulombe kumbungano ili afwaafwi kuti kabajisi mabbuku akaindi manji ngomukonzya kubelesya. Mbungano zitajisi mabbuku aaya inga zyamwaya ibbuku lya Mankind’s Search for God. February: Amumwaye bbuku lya Amubaa Cilongwe a Jehova. Ikuti kalitako bbuku eeli mulakonzya kubelesya bbuku lya Life—How Did it Get Here? By Evolution or by Creation? naa lya Revelation—Its Grand Climax At Hand! March: Amumwaye broshuwa lya Amulangile Lyoonse! Ikuti bamwi batondezya luyandisyo, amubatondezye ibbuku lya Luzibo akusola kutalisya ciiyo ca Bbaibbele caaŋanda. April alimwi a May: Kuya kwaabilwa Ngazi Yamulindizi alimwi a Galamukani! Ciindi nomweenda nyendo zyakupilukila, amubikkile maano kukwaabila bbuku lya Amukombe Leza. Mweelede kuba amakanze akutalisya ciiyo ca Bbaibbele caaŋanda ikapati abantu bakaliiya kale bbuku lya Luzibo naa broshuwa ya Ncayanda.
◼ Ikutalikila mu February kusikila mu March 6, balangizi bamabbazu banoobandika makani aajisi mutwe wakuti: “Amucite Cabusongo Munyika Yabufwubafwuba.”
◼ Imbungano zyeelede kucita bubambe bweelede bwakuyoocita Ciibalusyo mwaka uuno muli Bwane mu March 24 lyaakubbila zuba. Nokuba kuti makani alakonzya kufwambaana kutalika, pele kwiinzya zitondezyo takweelede kucitwa ikuti zuba kalitanabbila. Amubuzye kuli baabo bazyi bakubusena ooko nkomukkala kujatikizya ciindi nolibbila zuba. Cilainda kubota kuti mbungano aimwi ibe a Ciibalusyo cayo. Pele, talili lyoonse eeci nocikonzyeka. Mumasena oomo mbungano zili mbozibede mozibelesya Ŋanda ya Bwami yomwe, ambweni mbungano yomwe naa ziinda aawo inga zyajana busena bumbi bwakubelesya mangolezya aayo. Ikuti kacikonzyeka, tuyeeya kuti inga cagwasya ikuti imapulogilamu kaandeene amaminiti aali 40 kutegwa bantu boonse bagwasyigwe kapati aciindi eeci. Bweende bwamyootokala abwalo bulayandika kubulanga-langa alimwi ampiisiigwa kubikkilizya aakuselusyila bantu alimwi aakutantila. Ikabunga kabaalu keelede kucita bubambe ibukonzya kugwasya kubusena ooko.