Zyakwaambilizya
◼ Mabbuku aakumwaya mu August: Kufwumbwa broshuwa akati kayaaya aamapeeji aali 32 inga yabelesyegwa: Sena Ncobeni Leza Ulatulanganya?, Mutangale Abuumi Butamani a-Nyika!, “Amubone! Ndalengulula Zintu Zyoonse Zibe Zipya,” Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Imfulumende Eeyo Iyooleta Paradaiso, Mulakonzya Kuba Mulongwe wa Leza!, Ncinzi Cicitika Kulindiswe Twafwa?, Ino Buumi Bujisi Mulimonzi?—Mbubuti Mbomunga Mwabujana?, Iciindi Muntu Ngomuyanda Nafwa alimwi aya Sena Mwakaijana Kale Inzila Iisololela Kubuumi Butamani? September: Is There a Creator Who Cares About You? Ikuti kamutalijisi, inga mwamwaya ibbuku lya Life—How Did It Get Here? By Evolution or by Creation? (lipati naa liniini). Ikuti mbungano kaijisi mabbuku aakaindi manji, aalo aayo inga amwaigwa. Ikuti mwiniŋanda wakaka kutambula bbuku limwayigwa, amumwaabile broshuwa ya Amulangile Lyoonse! October: Amwaabile mamagazini aa Ngazi Yamulindizi a Galamukani! Ikuti bamwi batondezya luyandisyo, amubatondezye broshuwa ya Ncayanda. November: Amwaabile bbuku lya Amwiiye ku Mwiiyi Mupati. Ikuti bali aŋanda baamba kuti tabajisi bana, amubaabile bbuku lya Luzibo naa katulakiti ka Sena Mulayanda Kuzyiba Zinji Kujatikizya Bbaibbele?
◼ Mbwaanga mwezi wa October ujisi nsondo zyosanwe zikkwene, unooli mwezi mubotu wakucita bupainiya bwakugwasyilizya.
◼ Mulangizi weendelezya naa umwi ngwayootuma weelede kulingula nkomwi yamali aambungano mu September 1 naa cakufwambaana mbuli mbocikonzyeka bwainda buyo buzuba oobo. Naa kuli mali aabikkidwe ambali, mbuli aakubambuluzya naa aakuyasya, bubambe bweelede kubikkwa bwakwaalingula. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.
◼ Mulembi wa mbungano uyoolemba malipooti aamulimo afoomu ya Lipooti Yamulimo wa Mbungano (S-10). Alimwi uyoolailila kabotu-kabotu mwaalu naa mukutausi uli woonse uyoomugwasya kulemba lipooti. Eeci ciyoopa kuti makani aayandika kulembwa kuzwa ku ma kkaadi Yambungano Aalembwa Milimo Yasikumwaya (S-21) kaaluzi. Lipooti Yamulimo wa Mbungano (S-10) yeelede kuti kailuzi alimwi kailembedwe kabotu alimwi yeelede kulingulwa kabotu-kabotu aba Kkomiti ya Mulimo ya Mbungano. Alimwi amubone kuti foomu eeyi yeelede kutuminwa ku ofesi yamutabi kabutanainda buzuba bwa September 10, 2005.
◼ Ikubala mabbuku alimwi amamagazini ngomujisi ikucitwa amwaka kweelede kuyoocitwa mu August 31, 2005 naa bwainda buyo buzuba oobu. Kubala ooku kuleelene akooko kucitwa amwezi amweendelezi wamabbuku alimwi mweelwe woonse weelede kulembwa afoomu ya Mweelwe Wamabbuku Aaliko (S-18). Mweelwe woonse wamamagazini weelede kujanwa kubabelesi bamamagazini. Imulembi wambungano yeendelezya nguuyelede kweendelezya mukubala ooku. Walo amulangizi weendelezya wamumbungano yeendelezya beelede kusaina afoomu. Mbungano yeendelezya aimwi iyootambula mafoomu obile alembedwe kuti Mweelwe Wamabbuku Aaliko (S-18). Yakusaanguna amwiitumine ku ofesi yamutabi kabutanainda buzuba bwa September 6. Yabili amwiiyobole mumafailo aanu.
◼ Mbungano zyeelede kutalika kooda Kalenda ya Mboni za Yehova ya 2006, (inooliko mu Chibemba, Chichewa, amu Cingisi) Kulingaula Magwalo Abuzuba—2006, (kanooliko mu Chibemba, Chichewa, Chikaonde, Chilozi, Chilubale, Cingisi, Chiswahili alimwi a Chitonga) 2006 Yearbook of Jehovah’s Witnesses (inooliko buyo mu Chingisi) alimwi a Acts of Jehovah’s Witnesses in Zambia (cibeela ca 2006 Yearbook cipandulula mulimo mu Zambia) (cinooliko mu Chibemba, Chichewa, a Chilozi), antoomwe amaoda aamwi.
◼ Taciciyandiki lino kuti mbungano kazyipilusya mabbokesi mutuminwa mabbuku kuofesi yamutabi. Mulakonzya kuzisowa mwamanizya kuzibelesya.