Zyakwaambilizya

◼ Mabbuku aakumwaya mu February: Ibbuku lya Amubaa Cilongwe a Jehova liyakumwaigwa. Imbungano zitajisi bbuku eeli zilakonzya kubelesya bbuku lya Revelation Climax naa bbuku lili lyoonse lyakaindi lilundene. March: Amwaabile bbuku lipya lya Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele. April a May: Amwaabile Ngazi Yamulindizi alimwi a Awake! Ciindi nomupilukila kubantu bakatondezya luyandisisyo, ikubikkilizya abaabo ibajanika ku Ciibalusyo naa kumiswaangano imwi yeendelezyegwa a Leza pele ibataswaangani lyoonse ambungano, amubikkile maano ikubaabila bbuku lya Ino Ncinzi Cini Bbaibbele Ncoliyiisya? Imbaakani yeelede kuba yakutalisya ciiyo ca Bbaibbele mubbuku eeli.

◼ Mbwaanga mwezi wa April ujisi nsondo zyosanwe, unooli mwezi mubotu wakucita bupainiya bwakugwasyilizya.

◼ Makani aabuleya aalubazu iciindi ca Ciibalusyo camu 2006 anoojisi mutwe wakuti, “Sena Leza Uceendelezya?” Amubone kwaambilizya kukozyenye akooku mu Mulimo Wesu wa Bwami wa October 2005.

◼ Cibalo cili apeeji 6 cijisi mutwe wamakani wakuti “Amucikkomanine Ciiyo Cesu Cabbuku lya Ino Ncinzi Cini Bbaibbele Ncoliyiisya?” ciyoolangwa-langwa lya Muswaangano wa Mulimo wansondo iitalika mu April 3. Twamulomba kuti muciyobole cibalo eeci alimwi amulongo waciiyo weendelena acibalo eeci.

◼ Mulangizi weendelezya naa umwi ngwayootuma weelede kulingula nkomwi yamali yambungano mu March 1 naa cakufwambaana mbuli mbocikonzyeka bwainda buyo buzuba oobo. Naa kuli mali aabikkidwe ambali, mbuli aakubambuluzya naa aakuyasya, bubambe bweelede kubikkwa bwakwaalingula. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.

◼ Imulembi alimwi amulangizi wamulimo beelede kulanga-langa mulimo wabapainiya boonse baciindi coonse. Ikuti naa bamwi kabatakonzyi kusika amweelwe wamawoola uuyandika, ibaalu beelede kuba abubambe bwakubagwasya. Kutegwa mujane nzila mbomunga mwacicita eeci, amubale magwalo aa S-201 ngomulembelwa amwaka.