Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu June 26, 2006. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu May 1 kusikila munsondo iitalika mu June 26, 2006. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Ino kucinca-cinca jwi nkucita buti, alimwi nkaambo nzi ncokuyandika? [be p. 111, tubbokesi]
2. Mbuti mbotukonzya kucinca-cinca mbotukanana ciindi notupa makani? [be p. 112 minc. 3-6, kabbokesi]
3. Ino mbuti mbotukonzya kuba aluyandisyo lwamakani eesu, alimwi nkaambo nzi eeci ncociyandika? [be p. 115 munc. 1-p. 116 munc. 2, tubbokesi]
4. Notuyiisya bamwi, nkaambo nzi kusangalizya ncokuyandika, alimwi ncinzi ciinga catugwasya kucita boobo? [be p. 118 munc. 2-p. 119 munc. 5]
5. Amupandulule ncokuyandika ikunyanyaasya zizo ambomuboneka kubusyu iciindi nomukanana. (Mt. 12:48, 49) [be p. 121, tubbokesi]
MAKANI NA. 1
6. Ino basimbungano batondezya buti kulibombya kubusilutwe bwa Kristo mumbungano? [od p. 18 munc. 2-p. 20 munc. 4]
7. Muubuti mbungano mozizumina akutobela busolozi bwabubambe bwambunga bubikkidwe? [od p. 24 munc. 3-p. 26 munc. 4]
8. Munzila nzi muuya uusalala muubeleka kauli mugwasyi, alimwi ino eeci ceelede kutukulwaizya kucita nzi? (Joh. 14:25, 26) [be p. 19 munc. 3-p. 20 munc. 1]
KUBALA BBAIBBELE KWANSONDO ANSONDO
9. Ino munzila nzi mbokunga kwaambwa kuti “izina lya-Jehova ningazi injumu”? [Int. 20:1; 122:4]
10. Ino nciiyo nzi cipa luumbulizyo cijanika ku Intembauzyo 51? [w93 3/15, peeji 18]
11. Ino inga twayiya nzi kubwiinguzi bwa Jobu kuli Jehova buli kuli Jobu 42:1-6?
12. Ino nzintu nzi “zyabuyo” bamasi nzyobazumanana kuŋuŋuna? (Int. 2:1, 2)
13. Mmisemo nzi yanyonyoonwa? (Int. 11:3)
14. Munzila nzi muntu uulisumpula ‘mwalumbulwa kapati’? (Int. 31:23, NW)
15. Nduumbulizyo nzi ndotukonzya kujana kuzwa ku Intembauzyo 40 ilukonzya kutugwasya kuliyumya akaambo kakutalondoka kwamubili amapenzi aandeene-andene aamubukkale bwasunu? (Int. 40:1, 2, 5, 12)