Zyakwaambilizya
◼ Mabbuku aakumwaya mu July a August: Kufwumbwa broshuwa akati kayaaya aajisi mapeeji aali 32 inga yabelesyegwa: Amutangale Abuumi Butamani a-Nyika!, Imfulumende Eeyo Iiyooleta Paradaiso, Sena Ncobeni Leza Ulatulanganya?, Iciindi Muntu Ngomuyanda Nafwa, Amulangile Lyoonse!, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Mulongwe wa Leza alimwi aya Inzila Iisololela Kubuumi. September: Bbuku lya Bbaibbele Ncoliyiisya liyoobelesyegwa. Mweelede kusolekesya kutalisya ciiyo ca Bbaibbele nomuswaya mulweendo lwakusaanguna. Mweelede kupilukila kubantu boonse mbomwakasiila mabbuku kamujisi mbaakani yakutalisya ciiyo ca Bbaibbele caaŋanda. October: Amwaabile mamagazini aa Ngazi Yamulindizi a Awake! Ikuti bamwi balibonya kubikkila maanu, amubatondezye broshuwa ya Amulangile Lyoonse! kutegwa babe aluyandisisyo kumulumbe wamu Bbaibbele. Mumazuba masyoonto aali kumbele ooku, mitabi iyooambilwa kujatikizya kwaambilizya kwaalubazu kwa Makani aa Bwami ikuli mukulibambilwa.
◼ Kutalikila mu September, balangizi bamabbazu banookanana makani aabuleya aajisi mutwe wakuti “Ino Mujisi Cilongwe Cili Buti a Leza?”
◼ Kutalikila munsondo ya January 8, 2007, tunooyiya bbuku lya Inzila Yakujana Lukkomano Mumukwasyi ku Ciiyo Cabbuku Cambungano. Twaakumana kwiiya bbuku eeli tuyootalika kwiiya bbuku lya Amubaa Cilongwe a Jehova! Mbungano zyeelede kuyooba amweelwe weelede wamabbuku aaya ciindi ncaanoiigwa.
◼ Cilayandika kuti mafoomu abasikulilembya bupainiya bwaciindi coonse kaatuminwa kuofesi yamutabi kakucili mazuba aataleli ku 90 kabutanasika buzuba bwakutalika. Mulembi wambungano weelede kwaalanga mafoomu akubona kuti mibuzyo yoonse yaingulwa. Ikuti basikulilembya kabatabuyeeyi buzuba bwini nobakabbapatizyigwa, beelede kuyeeyela buyo buzuba akubelesya mbubo lyoonse. Mulembi weelede kubulemba buzuba oobu akkaadi Yambungano Aalembwa Milimo Yasikumwaya (S-21).
◼ Balembi bambungano beelede kubona kuti balijisi Lugwalo Lwakusalwa kwa Mupainiya (S-202) lwa mupainiya waciindi coonse aumwi uuli mumbungano. Ikuti kabatajisi, beelede kulembela ofesi yamutabi.
◼ Ikubala mabbuku alimwi amamagazini ngomujisi ikucitwa amwaka kweelede kuyoocitwa mu August 31, 2006 naa bwainda buyo buzuba oobu. Kubala ooku kulikonzyene akooko kucitwa amwezi amweendelezi wamabbuku alimwi mweelwe woonse weelede kulembwa afoomu ya Mweelwe Wamabbuku Aaliko (S-18). Mweelwe woonse wamamagazini aaliko weelede kujanwa kubabelesi bamamagazini. Imulembi wambungano yeendelezya nguuyelede kweendelezya mukubala ooku. Walo amulangizi weendelezya wamumbungano yeendelezya beelede kwiisaina foomu. Mbungano yeendelezya aimwi iyootambula mafoomu otatwe alembedwe kuti Mweelwe Wamabbuku Aaliko. Mwalombwa kuti yakusaanguna mwiitumine ku ofesi yamutabi kabutanainda buzuba bwa September 6. Yabili amwiiyobole mumafailo aanu. Yatatu ilakonzya kubelesyegwa nokubalwa mabbuku.
◼ Bbuku Lipya liliko:
Ibbuku Lyangu Lyamakani Aa-Bbaibbele—Lunda