Zyakwaambilizya

◼ Mabbuku aakumwaya mu August: Mbubonya mbokulembedwe mu Mulimo Wesu wa Bwami wa July 2006. September: Bbuku lya Bbaibbele Ncoliyiisya liyoobelesyegwa. Mweelede kusolekesya kutalisya ciiyo ca Bbaibbele nomuswaya mulweendo lwakusaanguna. Mweelede kupilukila kubantu boonse mbomwakasiila mabbuku kamujisi mbaakani yakutalisya ciiyo ca Bbaibbele caaŋanda. October: Amwaabile mamagazini aa Ngazi Yamulindizi a Awake! Ikuti bamwi balibonya kubikkila maanu, amubatondezye broshuwa ya Amulangile Lyoonse! kutegwa babe aluyandisisyo kumulumbe wamu Bbaibbele. Mumazuba masyoonto aali kumbele ooku, mitabi iyooambilwa kujatikizya kwaambilizya kwaalubazu kwa Makani aa Bwami ikuli mukulibambilwa. November: Bbuku lya Amwiiye ku Mwiiyi Mupati liyooabilwa. Ikuti bali aŋanda baamba kuti tabajisi bana, amubaabile katulakiti kakuti Sena Mulayanda Kuzyiba Zinji Kujatikizya Bbaibbele? naa katulakiti kamwi keelela.

◼ Mulangizi weendelezya naa umwi ngwayootuma weelede kulingula nkomwi yamali yambungano mu September 1 naa cakufwambaana mbuli mbocikonzyeka bwainda buyo buzuba oobu. Naa kuli mali aabikkidwe ambali, mbuli aakubambuluzya naa aakuyasya, bubambe bweelede kubikkwa bwakwaalingula. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.

◼ Mbungano zyeelede kooda mabbuku aaya muoda yabo iitobela: Kulingaula Magwalo Abuzuba—2007, (kanooliko mu Chichewa, Chitonga, Cibemba, Cingisi, Cikaonde, Cilubale, Cilozi amu Ciswahili) Kkalenda yamu 2007 ya Bakamboni ba Jehova, (inooliko mu Chichewa, Cibemba, Cingisi amu Ciswahili) alimwi a 2007 Yearbook of Jehovah’s Witnesses (inooliko mu Cingisi amu Ciswahili). Aaya mmabbuku aaodwa caalubazu, aboobo ayelede buyo koodwa naalombwa amuntu umwi. Kusikila akabeko, apepa lyamulongo wampasya nzyomutambula kunoolembedwe kuti, “Aakale.” Mweelede kwaambilizya kumbungano kuti mwatalika kooda mabbuku aaya. Basikumwaya tabeelede kumuka kulembya maoda aabo abusena bubwezelwa mabbuku alimwi Mweendelezi Wamabbuku tayelede kumuka kutumya oda yamabbuku kumutabi.

◼ Ikubala mabbuku alimwi amamagazini ikucitwa amwaka kweelede kuyoocitwa mu August 31, 2006 naa bwainda buyo buzuba oobu. Kubala ooku kulikonzyene akooko kucitwa amwezi amweendelezi wamabbuku alimwi mweelwe woonse weelede kulembwa afoomu ya Mweelwe Wamabbuku Aaliko (S-18). Mweelwe woonse wamamagazini aaliko weelede kujanwa kumubelesi wamamagazini. Imulembi wambungano yeendelezya nguuyelede kweendelezya mukubala ooku. Walo amulangizi weendelezya wamumbungano yeendelezya beelede kwiisaina foomu. Mbungano yeendelezya aimwi iyootambula mafoomu obile alembedwe kuti Mweelwe Wamabbuku Aaliko (S-18). Mwalombwa kuti yakusaanguna mwiitumine kuofesi yamutabi kabutanainda buzuba bwa September 6. Yabili amwiiyobole mumafailo aanu.