Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu October 30, 2006. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu September 4 kusikila munsondo iitalika mu October 30, 2006. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Nkaambo nzi kubatama ncokuyandika notwaambaula, alimwi mbuti mbotukonzya kucesya kulibilika? [be peeji. 135 muncali 5–peeji 137 muncali 2, tubbokesi]
2. Notubuzyigwa kujatikizya nzyotusyoma, nkaambo nzi ncotweelede kusoleka canguzu kubelesya Bbaibbele notwiingula? [be peeji 143 mincali 1-3]
3. Mbuti mbotukonzya kuyaambele mukubelesya Bbaibbele? [be peeji 144, kabbokesi]
4. Nkaambo nzi ncociyandika kubelesya Bbaibbele ciindi aciindi notuyiisya mumulimo, alimwi mbuti mbotukonzya kukulwaizya kubelesyegwa kwalyo lyamiswaangano yambungano? [be mapeeji 145-146, tubbokesi]
5. Ntwaambo nzi tobilo ntotujisi notwaamba lugwalo? [be peeji 147 muncali 2]
MAKANI NA. 1
6. Ino balangizi beelede kuba amizeezo iili buti ciindi nobabeleka mikuli yabo mumbungano? [od peeji 27 mincali 1-28 muncali 2]
7. Ncinzi cikonzya kupa kuti basimbungano bamwi basikile mulangizi kumwaambila makani aajatikizya twaambo twamumukwasyi kutegwa abape lulayo? [od peeji 31 mincali 1-33 muncali 1]
8. Ncinzi cikonzya kwaambwa kujatikizya mulangizi wambungano uucizyi kuyiisya? [od peeji 33 mincali 2-34 muncali 3.]
9. Kubbuku lya Tusimpi 2:1-5, ncinzi caambwa kwiinda mukukulwaizya kuzumanana kulangaula luzibo, kumvwisya, abupampu “mbuli insiliva, azintu ziyandika zisisidwe”? [be peeji 38 muncali 4]
10. Ncinzi cilangilwa kubantu basika azyeelelo zya Bunakristo zyakuba balangizi? [od peeji 35 mincali 1-36 muncali 1]
KUBALA BBAIBBELE KWANSONDO ANSONDO
11. Mbuti Davida ‘mbwaakaumuzya akutontozya moyo wakwe mbuli mwana iwakalesyegwa kuli banyina,’ alimwi mbuti mbotukonzya kumwiiya? (Int. 131:1-3)
12. Nduumbulizyo nzi lukonzya kujanwa mumajwi aakasololelwa amuuya aali ku Intembauzyo 139:7-12?
13. Nzikozyanyo nzi zimwi zyabupati bwa Jehova zikonzya kutupa kumutembaula mumipailo yesu amumulimo wamumuunda? (Int. 145:3)
14. Muunzila nzi kuyoowa Jehova mbwaali “matalikilo aaluzibo” alimwi akuba “matalikilo aabusongo”? (Tus. 1:7; 9:10)
15. Ku Tusimpi 7:1, 2, ncinzi cibikkilizyidwe mu “majwi aangu” a “milazyo yangu”?