Zyakwaambilizya
◼ Mabbuku aakumwaya mu December: Amwaabile bbuku lya Muntu Mupati Kwiinda Iwakaponede. Ikuti kalitako mumbungano, mulakonzya kubelesya bbuku limbi akati kayaaya aatobela: Baibulo—Kodi Ndilo Mawu a Mulungu Kapena a Muntu?, Ibbuku Lyangu Lyamakani Aa-Bbaibbele, alimwi alya Mulakonzya Kupona Kukabe Kutamani mu-Paradaiso Anyika ikuti kaaliko mabbuku aaya mumbungano. January: Ibbuku lili lyoonse lyamapeeji aali 192 naa lyakamwaigwa kautanasika mwaka wa 1991 lilakonzya kumwaigwa. Ikuti mbungano kazitajisi mabbuku aakaindi aamusyobo ooyu, zilakonzya kubelesya bbuku lya Luzibo naa broshuwa ya Amulangile Lyoonse! February: Amwaabile bbuku lya Amubaa Acilongwe a Jehova. Ikuti mbungano kaitalijisi bbuku eeli, amubelesye bbuku lya Revelation Climax naa bbuku lyakaindi lili lyoonse lilundene. March: Amwaabile bbuku lya Bbaibbele Ncoliyiisya alimwi akusolekesya kutalisya ziiyo zya Bbaibbele.
◼ Tupepa twakutamba bantu ku Ciibalusyo camu 2007 tuyootuminwa kumbungano aimwi mumwaambo ngoibelesya. Ikuti myaambo imwi kaibelesyegwa mucilawo canu alimwi kamuyanda tupepa twakutamba bantu mumyaambo eeyo, mweelede kooda cakufwambaana kwiinda mukubelesya Foomu Yakoodela Mabbuku (S-14). Myaambo motulembedwe tupepa twakutamba bantu ku Ciibalusyo njeeyi: Cingisi, Chitonga, Chichewa, Cibemba, Cikaonde, Cilunda, Cilubale, Cilozi a Ciswahili. Mwalombwa kooda buyo myaambo eeyo iiyandika mucilawo canu.
◼ Tumuzibya kuti Ciibalusyo camu 2008 ciyoocitwa mu Mujibelo, March 22, lyaakubbila zuba. Twamuzibisizya limwi kutegwa bakwesu baswaanganina mu Ŋanda ya Bwami iibelesyegwa ambungano zinji batalikile limwi kulomba masena aambi nkobatikaswaanganine. Mubukkale buli boobu, baalu beelede kuzuminizyanya abeendelezi bamasena aayo kutegwa kutakabi zintu zinyonganya ziyoocitilwa mumasena aayo. Mbouli muswaangano uuyandika kapati, kabunga kabaalu keelede kusala mwaambi wamakani aa Ciibalusyo, keelede kusala umwi wabaalu weelela muciindi cakwiide kucincana naa kubelesya mukwesu omwe amwaka. Nokuba boobo, ikuti kakuli mwaalu umwi wabananike uukonzya kukanana makani, nguweelede kusalwa.
◼ Kutalikila amagazini ya January 1, 2007, Ngazi Yamulindizi inooliko mumwaambo wa Cilunda yalo iinoomwaigwa amwezi.
◼ Bbuku lipya liliko:
Watch Tower Publications Index 2001-2005—Cingisi