Kwiinduluka Kwamu Cikolo Camulimo Weendelezyegwa A Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu June 25, 2007. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu May 7 kusikila munsondo iitalika mu June 25, 2007. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Ino ncinzi ncotweelede kucita kuti tutayumyi milambi kutegwa ijwi lyesu kalimvwika notwaambaula? [be p. 184 munc. 2-p. 185 munc. 2]
2. Mbuti mbotukonzya ‘kuba mbubabede bantu boonse’ notuli mumulimo wesu? (1 Kor. 9:20-23) [be p. 186 minc. 2-4]
3. Mbuti mbotukonzya kumwiiya Jehova mukuswiilila bamwi? (Matl. 18:23-33; 1 Bam. 22:19-22) [be p. 187 minc. 1-2, 5]
4. Muunzila nzi zimwi zigwasya mbotukonzya kubagwasya bamwi kuyaambele kumuuya? [be p. 187 munc. 6-p. 188 munc. 3]
5. Nkaambo nzi ncotweelede kubikkila maano mukutondezya bantu bulemu? [be p. 190 munc. 3, kabbokesi]
MAKANI NA. 1
6. Nkaambo nzi ncotweelede kwaamba makani aabanjila mumoyo aabo mbotuyiisya? [be p. 59 munc. 1]
7. Ino cikozyanyo cesu cibajatikizya buti bantu mbotuyiisya? [be p. 61 munc. 1]
8. Mbuti mbotunga twaciziba kubandika abamwi aŋanda? [be p. 62 munc. 3]
9. Ino ncikozyanyo nzi cabusicamba ncotujana kumusinsimi Jeremiya? [bsi07 p. 3 munc. 36]
10. Ino ndusyomo luli buti bbuku lya Malilo ndolutondezya, pele nkaambo nzi ncolugwasya mukutondezya kubija kwalubeta lwa Jehova kubantu babi? [bsi07 p. 5 par. 13]
KUBALA BBAIBBELE KWANSONDO ANSONDO
11. Kweelana acakacitikila Jeremiya mbuli mbocipanduludwe kuli Jeremiya 37:21, ino ncisyomezyo nzi ncotukonzya kuba ancico?
12. Ino ncinzi Baruki ncaakaambila kuti Jehova “wayungizizya buusu amapenzi aangu,” akumupa ‘kukatala’ alimwi ino Baruki wakalimvwa buti mukusaanguna kujatikizya penzi eeli? (Jer. 45:1-5)
13. Ino ndilili bantu nobakacileka kukkala mu Babuloni, anowakaba “matongo aagambya”? (Jer. 50:13)
14. Ino ninjiisyo nzi kujatikizya mupailo iisalazigwa kuli Malilo 3:8,9,42-45?
15. Ncinzi ciimininwa ankalaki ipanduludwe ku Ezekiele caandano 1?