Mulongo Wa Miswaangano Ya Mulimo

Nsondo Iitalika mu December 10

Lwiimbo 46

10 min: Zyakwaambilizya zyambungano. Kwiinda mukubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya January 1 alimwi a Awake! ya December.

20 min: Cikolo Camulimo Weendelezyegwa a Leza camu 2008. Makani akananwe amulangizi wacikolo. Amubandike twaambo tuli mupepa lyamukati lya Mulimo Wesu wa Bwami wa October 2007 tukonzya kugwasya kumbungano yanu. Amwaambe mulimo wasikugwasilizya kupa lulayo. Amubakulwaizye boonse kuba basungu mukuzuzikizya mikuli yabo, kwiingula mucibeela catwaambo tupati-pati twamu Bbaibbele alimwi amukubelesya malailile aapegwa ansondo kuzwa mubbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza.

15 min: “Kuumbulizya Batyompedwe.”a Amwaambe kaambo komwe naa tobilo twakacitika nkomukkala.

Lwiimbo 34

Nsondo Iitalika mu December 17

Lwiimbo 28

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amubakulwaizye boonse kuti bakayeebelele vidiyo ya Jehovah’s Witnesses—Organized to Share the Good News kutegwa bakalibambile kutola lubazu mumubandi uyoocitwa Muswaangano wa Mulimo munsondo iitalika mu December 31. Ooko nkobatajisi zibelesyo zikonzya kubapa kweebelela vidiyo eeyi, balakonzya kubala Cibalo 4 camubbuku lya Bakamantene Mukucita kuyanda kwa Jehova.

15 min: “Tweelede Kuzumanana Kuba Basungu Mumulimo.”b Amubuzye sikumwaya musungu mumulimo. Mibuzyo njomweelede kumubuzya: Ino nkusoleka kuli buti nkumwacita kutegwa muzumanane kuba basungu? Ino ncinzi camugwasya kuti muzumanane kuba basungu?

20 min: “Kwaabila Mamagazini Aapa Bumboni Kukasimpe.”c Abaambe twaambo ntobakajana mu Mulimo Wesu wa Bwami wa November 2006, apeeji 8. Amubakulwaizye baswiilizi kubala Ngazi Yamulindizi ya January 1 a Awake! ya January. Kamubalomba kuti bakaletelezye mamagazini aaya nsondo iiboola.

Lwiimbo 139

Nsondo Iitalika mu December 24

Lwiimbo 212

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Amwaambe mabbuku aakumwaya mu January, alimwi amube acitondezyo kubelesya nzila yomwe ikonzya kugwasya.

15 min: Amulibambile Kumwaya Mamagazini Mapya. Mubandi abaswiilizi kuzwa mu Ngazi Yamulindizi ya January 1 a Awake! ya January. Mwamana kwiilanga-langa mubufwaafwi magazini aimwi, amubuzye baswiilizi baambe zibalo zibakabona kuti inga zyagwasya mucilawo canu ancobaambila boobo. Amubalombe baswiilizi kuti baambe nzila zimwi kujatikizya zibalo nzyobayanda kuyoobelesya. Ino mubuzyo nzi uukonzya kubuzyigwa kutegwa tutalisye mubandi? Ino ndugwalo nzi luli mucibalo lukonzya kubalwa? Ino mbuti lugwalo mbolukonzya kweendelana acibalo? Kwiinda mukubelesya zikozyanyo zili mu Mulimo Wesu wa Bwami naa cikozyanyo caambwa abaswiilizi, amutondezye mboikonzya kwaabwa aimwi magazini.

20 min: “Amubikke Mbaakani Yakutalisya Ciiyo ca Bbaibbele.”d Amubuzye omwe naa bobilo bakatalisya ciiyo ca Bbaibbele ino-ino. Ino ciiyo eeci cakatalika buti? Ino ciiyo ceenda buti?

Lwiimbo 21

Nsondo Iitalika mu December 31

Lwiimbo 89

5 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu December.

15 min: Kuzumanana kukomba Leza. Makani aakulwaizya kuzwa mu Ngazi Yamulindizi ya August 1, 2002, mapeeji 8-10, mincali 7-13.

25 min: “Mulimo Mupati Wakukambauka Uzibidwe Nyika Yoonse!”e Amutambe baswiilizi kuti baambe cakabakkomanisya mumulimo wamumuunda. Ikuti DVD kailiko, amwaambe mbobakalimvwa aabo mbomwakatondezya vidiyo ya Jehovah’s Witnesses—Organized to Share the Good News mbuli bamukowa, beenzinyoko, mbomwakabandikide limwi ambomwiiya limwi Bbaibbele. Ooko nkobatakonzyi kuyeebelela vidiyo eeyi, imukwesu wakapegwa cibeela eeci uyakubandika makani aaya abaswiilizi kuzwa mucibalo 4 cabbuku lya Bakamantene Mukucita Kuyanda kwa Jehova.

Lwiimbo 202

Nsondo Iitalika mu January 7

Lwiimbo 159

5 min: Zyakwaambilizya zyambungano.

15 min: Ziyandika zyambungano.

25 min: “Busena Bwesu Busetekene Bwakukombela.”f Imukwesu uujisi cibeela eeci weelede kwaamba ziyandika kubambululwa.

Lwiimbo 99

Bupanduluzi buyungizidwe