Zyakwaambilizya

◼ Mabbuku aakumwaya mu June: Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele. Alimwi mulakonzya kwaabila mabbuku aaya: Amwiiye ku Mwiiyi Mupati alimwi alya Muntu Mupati Kwiinda Iwakaponede. Mwalombwa kusolekesya kwaabelesya mabbuku aaya mumulimo wamumuunda mumwezi ooyu. July a August: Kufwumbwa broshuwa iijisi mapeeji aali 32 akati kayaaya inga yabelesyegwa: Sena Ncobeni Leza Ulatulanganya?, Amutangale Abuumi Butamani a-Nyika!, Amulangile Lyoonse!, “Amubone! Ndalengulula Zintu Zyoonse Zibe Zipya,” Imfulumende Eeyo Iiyooleta Paradaiso, Ncinzi Cicitika Kulindiswe Twafwa?, Ino Buumi Bujisi Mulimonzi?—Mbubuti Mbomunga Mwabujana?, alimwi ayakuti Iciindi Muntu Ngomuyanda Nafwa. Mabroshuwa aakuti Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, alimwi ayakuti Sena Mwakaijana Kale Inzila Iisololela Kubuumi Butamani? alakonzya kwaabilwa nokwayandika. September: Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele mukuswaya kwakusaanguna. Ikuti bamukamwini ŋanda kabalijisi kale bbuku eeli, amubatondezye mbolikonzya kubagwasya kwiinda mukubatondezya mubufwaafwi mbocicitwa ciiyo ca Bbaibbele. Alimwi mulakonzya kwaabila bbuku lya Amukombe Leza Mwini-Mwini Uuli Alikke. Mwalombwa kusolekesya kwaabelesya mabbuku aaya mumulimo wamumuunda mumwezi ooyu.

◼ Tumuzyibya kuti kunoonyina tupepa twaalubazu twakutamba bantu itwaambilizya muswaangano wacooko wamu 2008. Nokuba boobo, tubikkide bubambe bwakuti mumazuba masyoonto aaboola kumbele kuyooba mulimo uuyandika kapati wakwaambilizya munyika yoonse. Twaambo tumbi tujatikizya bubambe oobu tuyoowambilizyigwa.

◼ Mbwaanga mwezi wa August ujisi mazuba aamu Mujibelo amu Nsondo aali osanwe, unooli mwezi mubotu wakucita bupainiya bwakugwasilizya.

◼ Umwi wasalwa amulangizi weendelezya weelede kulingula nkomwi yamali yambungano yamwezi wa March, April a May. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.—Amubone foomu ya Malailile Aajatikizya Mbokweendelezyegwa Maakkaunti Aambungano (S-27).

◼ Cilayandika kuti mafoomu abasikulilembya bupainiya bwaciindi coonse kaatuminwa kuofesi yamutabi kakucili mazuba aataleli ku 90 kabutanasika buzuba bwakutalika. Mulembi wambungano weelede kwaalanga mafoomu akubona kuti mibuzyo yoonse yaingulwa. Ikuti basikulilembya kabatabuyeeyi buzuba bwini-bwini nobakabbapatizyigwa, beelede kuyeeyela buyo buzuba akubelesya mbubo lyoonse. Mulembi weelede kubulemba buzuba oobu akkaadi Yambungano Aalembwa Milimo Yasikumwaya (S-21).

◼ Mateepu aakuswiilila mapya aaliko:

Amwiiye ku Mwiiyi Mupati—Cingisi

A Satisfying Life—How to Attain It (csla)—Chichewa

◼ Ma DVD mapya aaliko:

Ngazi Yamulindizi Yaambilizya Bwami bwa Jehova—2006 (dvw06)—Mwaambo Wakutambaika Waku Amelika

Ngazi Yamulindizi Yaambilizya Bwami bwa Jehova—2007 (dvw07)—Mwaambo Wakutambaika Waku Amelika

◼ DVD mpya yamumyaambo minji iiliko:

Jehovah’s Witnesses Stand Firm Against Nazi Assault (dvfi-DVC)