Zyakwaambilizya
◼ Mabbuku aakumwaya mu September: Mbubwenya mbokulembedwe mu Mulimo Wesu wa Bwami wa August 2008. October: Mamagazini aa Ngazi Yamulindizi alimwi a Sinsimuka! Ikuti bamwi balibonya kubikkila maanu, amubatondezye alimwi akubandika zili mukatulakiti kakuti, Sena Mulayanda Kuzyiba Zinji Kujatikizya Bbaibbele? kamujisi mbaakani yakutalisya ciiyo ca Bbaibbele. Bbuku lyakuti Inzila Yakujana Lukkomano Mumukwasyi alyalo inga lyamwaigwa. Mwakulwaizyigwa kuti musoleke canguzu kwaabelesya mabbuku aaya mumwezi ooyu. November: Munsondo zyobile zyakusaanguna, amumanizye mulimo wakwaabila tulakiti yaalubazu. Munsondo zyobile zyamamanino, amwaabile bbuku lyakuti Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele. December: Muntu Mupati Kwiinda Iwakaponede. Ikuti bamukamwini ŋanda baamba kuti bajisi bana, amubaabile bbuku lyakuti Amwiiye ku Mwiiyi Mupati.
◼ Mbwaanga mwezi wa November ujisi mazuba aamu Mujibelo amu Nsondo aali osanwe, unooli mwezi mubotu wakucita bupainiya bwakugwasyilizya.
◼ Makani aabuleya aalubazu ciindi ca Ciibalusyo camu 2009 ayookananwa munsondo ya April 20, 2009. Mutwe wamakani uyoowambilizyigwa aakale. Mbungano eezyo izinooswaidwe mulangizi wabbazu naa iziyooba amuswaangano wabbazu antela waalubazu mubuzuba oobu, ziyooba amakani aaya aalubazu munsondo iitobela. Taaku mbungano zyeelede kuba amakani aalubazu kaitanasika nsondo ya April 20.
◼ Mbungano zyeelede kutalika kooda mabbuku aamamagazini aa Ngazi Yamulindizi a Sinsimuka! aamu 2008, Watch Tower Publications Index 2008, alimwi a Watchtower Library—2008 Edition iili a CD-ROM muoda iitobela. Amubone kuti Watchtower Library—2008 Edition yakabambilwa buyo basikumwaya bamumbungano alimwi ikonzya buyo koodwa kwiinda mumbungano. Basikumwaya ibabelesya kapati Watchtower Library pele ibatacibelesyi mabbuku aamamagazini beelede kubona naa bayandika kuzumanana kooda mabbuku aamamagazini.
◼ Waini wa Ciibalusyo: Mbungano zili muminzi zilakonzya kooda waini lino. Amutumine Ifoomu Yakutumina Mali Aakusanga (S-20) antoomwe amali. Amulembe kabotu-kabotu kuti “FOR WINE” mumuzila nsini. MUTATULEMBELI lugwalo naa kututumina Foomu Yakoodela Mabbuku (S-14) pe, pele S-20 ilikke. Ikuti kakunyina kubbadelela limwi, nkokuti kunyina waini uuyootuminwa pe. Muulo wakabbodela ka 500ml ngu K10,000.00. Mu December 31, 2008 mbobuzuba bwamamanino bwakooda. Waini uyootuminwa mu February 2009.
◼ Umwi wasalwa amulangizi weendelezya weelede kulingula nkomwi yamali yambungano yamyezi ya June, July a August. Mukwesu ooyu teelede kunoobelesyegwa lyoonse mukulingula kucitwa. Mwaakumana, amukaambilizye kumbungano yaakumana kubalwa lipooti yankomwi yamali iitobela.—Amubone foomu ya Malailile Aajatikizya Mbokweendelezyegwa Maakkaunti Aambungano (S-27).
◼ Mbungano zyoonse izyakooda Lugwalo Lwamwaka wa 2008, ziyootuminwa Lugwalo Lwamwaka wa 2009. Nokuba boobo, mbungano zipya izyakapangwa kabwiindide buzuba bwa September 1 alimwi ambungano zyatakooda Lugwalo Lwamwaka wa 2008 zyeelede kooda. Pepa lya Lugwalo Lwamwaka wa 2009 linooliko mu Chichewa, Chitonga, Chibemba, Chingisi, Chikaonde, Chilunda, Chilubale, Chilozi, Chiswahili a Chitumbuka. Mapepa aaya apangwa akkampani yakunyika iisimba, aboobo tweelede kusanga kutegwa tugwasyilizye kumali aaya aabbadelwa, nkokuti, K3,000.00 ipepa lyomwe. Mbungano zyeelede kuyoobikka Lugwalo Lwamwaka wa 2009 mbobuyoosikila buyo buzuba bwa January 1, 2009.
◼ Zimwi ziindi bakuofesi yamutabi balatambula Mafoomu Aakoodela Mabbuku (S-14) alimwi a Mafoomu Aakoodela Mamagazini (M-202) aatalembedwe zyina alimwi anamba ya Mbungano. Ikuti kacili boobo, cilakatazya kumutumina nzyomwalomba. Eeci nciyeezyo cakuti Mulembi weelede kulangisisya kubona kuti zyoonse zyalembwa afoomu eeyi katana kwiitumina.
◼ Tujisi mabroshuwa manji aa Ncayanda aaliko mumyaambo yamucisi cino, aboobo tukulwaizya mbungano kwaawoda mabroshuwa aaya kutegwa zyaabelesye.
◼ Compact Disc mpya iiliko:
Live With Jehovah’s Day in Mind (cdjd)—Chingisi
◼ Kulabikkwa mamagazini aa Ngazi Yamulindizi a Sinsimuka! aamu Chingisi akkeyala ya Intaneti eeyi www.pr2711.com. Banji bacibona kuti cilagwasya kubweza mamagazini aamumajwi aaya alo aatambulwa ima CD naa ma MP3 kaatanasika mumbungano. Aboobo, basikumwaya babweza mamagazini a Intaneti bakulwaizyigwa kuleka kooda ma CD naa MP3 alimwi beelede kumuzyibya oobo mubelesi wamamagazini.
◼ MP3 mpya iiliko aa Intaneti akkeyala ya www.pr2711.com:
Live With Jehovah’s Day in Mind—Chingisi
(Aabo bajisi mincini iitegwa iPod balakonzya kusala pulogilamu iitegwa M4B (AAC), yalo iibikkilizya bubambe butondezya mbocinooboneka cibalo acimwi). Malailile: Eezyi tazili zyakooda pe. Nokuba kuti mbunga ilabbadelesyegwa ciindi cili coonse bantu nobabweza makani a Intaneti, nzila eeyi yakutumina zyintu taiduli ikwiinda kupanga alimwi akutumina ma Disc.