Zyakwaambilizya
◼ Mabbuku aakumwaya mu October: Mamagazini aa Ngazi Yamulindizi alimwi a Sinsimuka! Ikuti bamwi balibonya kubikkila maanu, amubatondezye alimwi akubandika zili mukatulakiti kakuti, Sena Mulayanda Kuzyiba Zinji Kujatikizya Bbaibbele? kamujisi mbaakani yakutalisya ciiyo ca Bbaibbele. Bbuku lyakuti Inzila Yakujana Lukkomano Mumukwasyi alyalo inga lyamwaigwa. Mwakulwaizyigwa kuti musoleke canguzu kwaabelesya mabbuku aaya mumwezi ooyu. November: Munsondo zyobile zyakusaanguna, amumanizye mulimo wakwaabila tulakiti yaalubazu. Munsondo zyobile zyamamanino, amwaabile bbuku lyakuti Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele. December: Muntu Mupati Kwiinda Lwakaponede. Ikuti bamukamwini ŋanda baamba kuti bajisi bana, amubaabile bbuku lyakuti Amwiiye ku Mwiiyi Mupati. January: Ino Ncinzi Cini Bbaibbele Ncoliyiisya? Ikuti bamukamwini ŋanda kabalijisi kale bbuku eeli, basikumwaya inga baabila bbuku lili lyoonse lijisi mapeeji aali 192 naa bbuku lili lyoonse lyakamwaigwa kautanasika mwaka wa 1992.
◼ Mbwaanga mwezi wa November ujisi mazuba aamu Mujibelo amu Nsondo aali osanwe, unooli mwezi mubotu wakucita bupainiya bwakugwasyilizya.
◼ Malailile kumulangizi weendelezya alimwi amulangizi wa Cikolo Camulimo Weendelezyegwa a Leza: Mulongo wabubambe bupya bwamiswaangano yambungano iyootalika munsondo ya December 29, 2008, alimwi mulongo ooyu uyootondezyegwa kuti wacinca mu Mulimo Wesu wa Bwami wa December 2008. Nomweendelezya Kwiinduluka Zyakabandikwa Mucikolo Camulimo Weendelezyegwa a Leza munsondo eeyo, amubone masimpe kuti mwaatobela malailile aali acibeela ca Kwiinduluka Zyakabandikwa Mucikolo Camulimo Weendelezyegwa a Leza mu Mulongo Wamakani Wamu 2009 Mucikolo Camulimo Weendelezyegwa A Leza. Cibeela cakukanana kunyina nociyoolangwa-langwa mubuzuba oobu.
◼ Ipulogilamu yaavidiyo iijisi mutwe wakuti No Blood—Medicine Meets the Challenge iyoolangwa-langwa lya Muswaangano wa Mulimo mu January. Ikuti kaayandika, mavidiyo alakonzya koodwa cakufwambaana kwiinda mumbungano.
◼ DVD mpya iiliko:
To the Romans—On DVD (dvRo)—Mwaambo Wakutambaika Waku Amelika.