Zyakwaambilizya
◼ Mabbuku aakumwaya mu November: Munsondo zyobile zyakusaanguna, amumanizye mulimo wakwaabila tulakiti yaalubazu. Munsondo zyobile zyamamanino, amwaabile bbuku lyakuti Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele. December: Muntu Mupati Kwiinda Iwakaponede. Ikuti bamukamwini ŋanda baamba kuti bajisi bana, amubaabile bbuku lyakuti Amwiiye ku Mwiiyi Mupati. January: Ino Ncinzi Cini Bbaibbele Ncoliyiisya? Ikuti bamukamwini ŋanda kabalijisi kale bbuku eeli, basikumwaya inga baabila bbuku lili lyoonse lijisi mapeeji aali 192 naa bbuku lili lyoonse lyakamwaigwa kautanasika mwaka wa 1992. February: Mulakonzya kwaabila bbuku limwi lyayaaya, ikuti kaliliko: Is There a Creator Who Cares About You?, Inzila Yakujana Lukkomano Mumukwasyi, naa lyakuti Baibulo—Kodi Ndilo Mawu a Mulungu Kapena a Muntu?
◼ Basikumwaya boonse ibatanamanizya kulemba kkaadi yakuti uupedwe nguzu zyakundiiminina kucibbadela (DPA), bakulwaizyigwa kucita oobo. Kkaadi eeyi imupa nguzu zyakukaka kubikkwa bulowa. Baalu bayoomupa lugwasyo ndomuyandika.—Amubone pepa lyamukati lya Mulimo Wesu wa Bwami wa November 2006.
◼ Kutalikila mu January 1, 2009, izyina lyakuti “mulangizi weendelezya” liyooleka kubelesyegwa. Mukwesu uupedwe mukuli ooyu uyootalika kwiitwa kuti “mweendelezi wakabunga kabaalu.”
◼ Kanji-kanji zyakwaambilizya iziyandika kapati zilabikkwa mu Mulimo Wesu wa Bwami kutondezya bubambe buyandika kutobelwa ambwaakonzya koodwa mabbuku. Ibabelesi bamabbuku beelede kuzizyiba kabotu zyaambilizyigwa ciindi nobapegwa buyo Mulimo Wesu wa Bwami kutegwa bafwambaane kuzibelesya.
◼ Ku Babelesi ba Mamagazini: Basikumwaya bamwi babuzya kuti naa ndilili nobeelede kutumina oda yaalubazu yamamagazini aayungizidwe aakubelesya mumulimo waalubazu wamu March, April alimwi amu May 2009. Malailile ngakuti maoda aalubazu ayelede kutuminwa kakuceede myezi yone kuti amwaigwe. Mucikozyanyo, mamagazini aamu March ayelede koodwa mu November, aamu April ayelede koodwa mu December, mpoonya aamu May mu January. Ikuti naa oda yamuka kutambulwa, ilakonzya kucincwa akuba yamagazini iiyakumwaigwa kumbele nkaambo tatukonzyi kusyomezya kuti mamagazini aayandika anooliko aciindi eeco. Tuyanda kweeleba ciyanza cakumuka kutumina maoda. Akaambo katwaambo ootu, mwalombwa kuti mufwambaane kutumina maoda aanu.
◼ Imbungano ziyandika kutalika lino kooda Watchtower Library—2008 (cdly08). Eeci ncakooda caalubazu, icakabambilwa basikumwaya mumbungano alimwi bakonzya buyo kupegwa kwiinda mumbungano. Tayeelede kwaabilwa kubuleya naa kubantu ibatondezya buyo luyandisisyo muli Bakamboni ba Jehova. Basikumwaya ibabelesya kapati Watchtower Library balo ibatacaabelesyi mabbuku aamamagazini, beelede kulibuzya kuti naa baciyandika kooda mabbuku aamamagazini.
◼ Mabbuku mapya aaliko:
Live With Jehovah’s Day in Mind—Mumabala mapati (jdlp)—Chibemba
New World Translation of the Holy Scriptures (Softcover Edition) (bi12)—Chibemba
Questions Young People Ask—Answers That Work, Volume 2—Chichewa
◼ Mateepu aakuswiilila mapya aaliko:
Keep Your Eye Simple (csey)—Chibemba
◼ Ma DVD mapya aaliko:
Amwiiye ku Mwiiyi Mupati (dvlr)—Mwaambo Wakutambaika Waku Amelika
Album ya Ngazi Yamulindizi Yaambilizya Bwami bwa Jehova yamu 2009 (dvcw09)—Mwaambo Wakutambaika Waku Amelika
Organized to Share Good News and Whole Association of Brothers (dvjwa)—Mwaambo Wakutambaika Waku Amelika