Zyakwaambilizya

◼ Mabbuku aakumwaya mu April a May: Mamagazini aa Ngazi Yamulindizi alimwi a Sinsimuka! Nomupilukila kubantu ibakatondezya luyandisisyo, kubikkilizya abaabo ibakajanika ku Ciibalusyo naa kumiswaangano imwi pele batajaniki-janiki kumbungano, amubikkile maano kubaabila bbuku lyakuti Ino Ncinzi Cini Bbaibbele Ncoliyiisya? Makanze aelede kuba aakutalisya ciiyo ca Bbaibbele. Mu June: Ino Ncinzi Cini Bbaibbele Ncoliyiisya? Ikuti bamukamwini ŋanda kabalijisi kale bbuku eeli, basikumwaya inga baabila bbuku lili lyoonse lijisi mapeeji aali 192 naa bbuku lili lyoonse lyakamwaigwa kautanasika mwaka wa 1992. July: Kufwumbwa broshuwa iijisi mapeeji aali 32 inga yabelesyegwa.

◼ Tweelede kuyoobeleka canguzu ikuzyibya bantu kujatikizya miswaangano yacooko ayamasi yamu 2009 iiya kucitwa munyika yoonse. Basikumwaya baya kwaabila tupepa tuzyibya miswaangano eeyi mucilawo cabo. Ikuzyibya ooku kuyootalika kakucili nsondo zyotatwe ibuzuba bwamuswaangano wacooko mbungano nkoyeelede kuyoojanika kabutanasika.

◼ Mabbaji ngobeelede kubelesya basikumwaya kumuswaangano wacooko ayootuminwa kumbungano. Aabo baya kuunka kumuswaangano wamasi baya kubelesya mabbaaji ngoona aaya.

◼ Cakwaambilizya cili mu Mulimo Wesu wa Bwami wamu August 2007 cakaamba kuti: “Tatuni kuyoboli ma Bbaibbele mu: Chichewa, Chitonga, Chibemba, Chikaonde, Chilamba alimwi a Chilozi. Mabbuku aaya alakonzya koodwa kubusena nkomukkala muzintoolo zyamabbuku.” Tucijisi ma Bbaibbele aamu Chilubale, pele amubone cakwaambilizya cili mu Mulimo Wesu wa Bwami wamu January 2008, icakaamba kuti ma Bbaibbele aaya “ayandika kubikkilwa maano kapati . . . kwiinda mukupa buyo abo basikwiiya Bbaibbele bakonzya kubala alimwi ibajanika kumiswaangano. Taali aakupa bantu boonse mbotujana mumulimo wamumuunda.”