Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza musondo iitalika mu August 31, 2009. Mulangizi wacikolo uyooyendelezya mubandi wakwiinduluka wamaminiti aali 20 kujatikizya makani aakabandikwa kuzwa munsondo iitalika mu July 6 kusikila munsondo iitalika mu August 31, 2009.
1. Ino nkaambo nzi “muntu uutukila” bazyali bakwe ncaakali kupegwa cisubulo calufwu? (Lev. 20:9) [w04 6/1 p. 22 munc. 6]
2. Mbwaanga baalumi boonse bana Israyeli bakeelede kujanika ku Pobwe lya Zinkwa Zitakwe Bumena, ino mbaani bakali kutebula butebuzi butaanzi bwabbaale? (Lev. 23:5, 11)[w07 7/15 p. 26 munc. 3]
3. Ino mwaka wakulizya myeembo wakali kwiiminina nzi? (Lev. 25:10, 11) [w04 7/15 pp. 26-27]
4. Sena ‘zitondezyo’ zyaambwa kulugwalo lwa Myeelwe 2:2 kuli mbozyakali kubujatikizya bukombi bwabana Israyeli?[w02 9/15 p. 21 munc. 4]
5. Ino muuya nzi bakambausi baciindi coonse bamazuba aano ngobatondezya uukozyenye angobakali kutondezya iba Naziri mu Israyeli yansiku? (My. 6:3, 5, 6) [w04 8/1 pp. 29-30]
6. Ino ninjiisyo nzi iijanika mumulawo ngobakapedwe bana Israyeli wakuti ba Levi bakeelede kuleka kubeleka bacembaala iikonzya kubeleka akubabelesi ba Jehova sunu? (My. 8:25, 26) [w04 8/1 p. 30 munc. 1]
7. Ino mbuti bana Israyeli mbobakatondezya kuti kuli “ncibakayandisya” naa kuti bakaba akulombozya kubi, alimwi ino nciiyo nzi Banakristo ncobaiya kuliceeci? (My. 11:4) [w01 7/1 pp. 10-11; w95 3/1 p. 15 munc. 10]]
8. Ino nkaambo nzi Miriamu ncaakacisilwa cinsenda alikke? (My. 12:9-11) [w04 8/1 p. 31 munc. 1]
9. Ino Joshua a Kalebe bakali kwaamba nzi nobakati bana Kanana “nzilyo”? (My. 14:9) [w06 10/1 p. 16 munc. 5]
10. Ino nkucenjezya nzi nkotujana kulugwalo lwa Myeelwe 21:5? [w99 8/15 pp. 26-27]