Zyakwaambilizya

◼ Mabbuku akwaabila mu September: Ino Ncinzi Cini Bbaibbele Ncoliyiisya? Amutalisye ziiyo zya Bbaibbele munyendo zyakusaanguna. October: Mamagazini aa Ngazi Yamulindizi alimwi a Sinsimuka! Ikuti batondezya kubikkila maano, amubaabile katulakiti kakuti Sena Mulayanda Kuzyiba Bwiinguzi Bwakasimpe? Alimwi amutalisye ciiyo ca Bbaibbele. November: The Bible—What Is Its Message? Malailile ayakupegwa kabotu kujatikizya mboiya kwaabilwa broshuwa eeyi nyika yoonse. Mumasena amwi, inga cagwasya kwaabila broshuwa eeyi mpya antoomwe ayaaya ambi: A Book for All People, A Satisfying Life—How to Attain It, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Sena Mwakaijana Kale Inzila Iisololela Kubuumi Butamani?, alimwi ayakuti Will There Ever Be a World Without War? December: Muntu Mupati Kwiinda Iwakaponede. Ikuti kakuli bana aŋanda, mulakonzya kwaabila bbuku lyakuti Amwiiye Kumwiiyi Mupati.

◼ Makani aabuleya aalubazu ciindi ca Ciibalusyo camu 2011 ayakukananwa munsondo ya April 25, 2011. Mutwe wamakani aaya uyakwaambilizyigwa aakale. Imbungano iziya kuswaigwa amulangizi wabbazu naa iziya kuba amuswaangano wabbazu kumamanino aansondo eeyi ziya kuba amakani aaya munsondo iiccilila. Kunyina mbungano yeelede kuba amakani aalubazu kabutanasika buzuba bwa April 25.

◼ Kutalikila nsondo ya March 14, 2011, bbuku lyakuti “Bearing Thorough Witness About God’s Kingdom,” njiinakuyiigwa a Ciiyo ca Bbaibbele Cambungano. Mbungano zitajisi mabbuku aaya zilakonzya kooda.