Zyakwaambilizya

◼ Mabbuku akwaabila mu February: Basikumwaya balakonzya kwaabila bbuku limwi akati kayaaya: Is There a Creator Who Cares About You?, Inzila Yakujana Lukkomano Mumukwasyi, naa The Bible—God’s Word or Man’s? March: Ino Ncinzi cini Bbaibbele Ncoliyiisya? Amusolekesye kutalisya ziiyo zya Bbaibbele. April a May: Mamagazini aa Ngazi Yamulindizi alimwi a Sinsimuka! Nomupilukila kubantu ibakatondezya luyandisisyo, kubikkilizya abaabo ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kutalisya ziiyo zya Bbaibbele kubelesya bbuku lya Bbaibbele Ncoliyiisya.

◼ Lya Ciibalusyo makani aalubazu aa 2011 ajisi mutwe wakuti “Njiisyo Zyamu Bbaibbele—Sena Zilakonzya Kutugwasya Kuliyumya Mumapenzi Mazuba Aano?”

◼ Kunyina miswaangano iiyoocitwa mu Nsondo, April 17 buzuba bwa Ciibalusyo kunze lyamuswaangano wakulibambila kwiinka mumulimo. Mbungano zilakonzya kucita miswaangano mubuzuba bumbi mukati kamvwiki. Kuti kakuli mbungano zinji zibelesya Ŋanda ya Bwami yomwe alimwi tacikonzyeki kucinca buzuba, inga mwaleka buyo. Kuti tiicakonzyeka, mikwasyi yeelede kwiiya cibalo ca nsondo eeyo camu Ngazi Yamulindizi ciindi ca Kukomba Mumukwasyi.