Myeelwe Iijatikizya Mulimo Wamumuunda

Ku Banakristo bakasimpe mazuba aano, taakwe cintu ciyandika kucitwa kwiinda kukambauka makani mabotu aa Bwami alimwi akugwasya bantu bamisyobo yoonse kuba basikwiiya. Mumwezi wa May 2011, kwakali bapainiya bagwasyilizya ibali 11,673 ibakatola lubazu mumulimo waalubazu muciindi ca Ciibalusyo. Ooku kwakali kuyaambele a 46.3 pesenti kwiinda mwaka wamana mumwezi nguwenya ooyu! Nyendo zyakupilukila zili 1,675,862 azyalo zyakacitwa kwaambisya kuli baabo ibakajanika ku Ciibalusyo ca Mwami wesu Jesu Kristo. Aboobo swebo toonse atuzumanane ‘kucibelesya kabotu ciindi’ kubeleka mulimo wakukambauka uutakaindulukwi limbi!—Ef. 5:16.