Kucinca Kwacitwa Kujatikizya Miswaangano Iicitwa Mukati Aansondo
Kutalikila munsondo yamu September 3, ciindi cakucita Ciiyo ca Bbaibbele Cambungano ciyakuyungizyigwa kuzwa amaminiti aali 25 kusika ku 30. Mumajwi aantalisyo, sikweendelezya weelede kubelesya miniti yomwe kwiinduluka ciiyo cakayiigwa nsondo yamana. Iciindi ca Muswaangano Wamulimo acalo cilacinca kuzwa amaminiti aali 35 kusika ku 30. Takuciyandiki ciindi cacibeela cazyakwaambilizya. Muciindi caboobo, cakwaambilizya cilicoonse ceelede kwaambilizyigwa mucibeela cakusaanguna. Kanji-kanji, zyakwaambilizya kuti kaziliko zinooli zisyoonto, alimwi takuyandiki kwaambilizya kumbungano mboitiiyende pulogilamu yamiswaangano. Zyakwaambilizya zijatikizya mulimo wamumuunda, mulongo wakusalazya alimwi amyooni, tazyeelede kwaambilizyigwa. (km 10/08 p. 1, munc. 4) Ikuti kuli cakwaambilizya cilamfwu ceelede kucitwa, cilakonzya kugwasya kuti bazyibisyigwa kakucili ciindi aabo bajatikizyidwe mumuswaangano kutegwa bafwiinsye zibeela zyabo.