Zyakwaambilizya

◼ Mabbuku aakwaabila mu August: Amubelesye broshuwa yomwe akati kayaaya aatobela aajisi mapeeji aali 32: Sena Mwakaijana Kale Inzila Iisololela Kubuumi Butamani?, Myuuya Yabafwide—Sena Inga Yamugwasya Naba Kumucisa? Sena Ncobeni Kwiili?, Iciindi Muntu Ngomuyanda Nafwa, alimwi ayakuti Mulakonzya Kuba Mulongwe wa Leza! Ciindi nomupilukila, amubaabile bbuku lya Bbaibbele Ncoliyiisya naa, kuti kaceelela kweelana aziyandika zyamuntu ooyo, broshuwa yakuti Amumuswiilile Leza naa ya Amumuswiilile Leza Kutegwa Mukapone Kukabe Kutamani, alimwi amusolekesye kutalisya ciiyo ca Bbaibbele. September alimwi a October: Magazini ya Ngazi Yamulindizi alimwi aya Sinsimuka! Ciindi nomupilukila, amubaabile bbuku lya Bbaibbele Ncoliyiisya naa, kuti kaceelela kweelana aziyandika zyamuntu ooyo, broshuwa yakuti Amumuswiilile Leza naa ya Amumuswiilile Leza Kutegwa Mukapone Kukabe Kutamani, alimwi amusolekesye kutalisya ciiyo ca Bbaibbele. November: Basikumwaya balakonzya kwaabila matulakiti aaya aatobela: Kupenga Koonse Kuyoomana Ino-ino!, Jehova—Ino Nguni?, Jesu Kristo—Ino Nguni?, naa Sena Inga Mwayanda Kuzyiba Bwiinguzi Bwakasimpe? Ikuti mukamwini ŋanda watondezya luyandisisyo, amumutondezye mbocicitwa ciiyo ca Bbaibbele kwiinda mukubelesya bbuku lya Ncoliyiisya Bbaibbele naa imwi yamabroshuwa aakuti Amumuswiilile Leza naa Amumuswiilile Leza Kutegwa Mukapone Kukabe Kutamani.

◼ Kutalikila mu September, balangizi bamabbazu bayakukanana makani aajisi mutwe wakuti “Ikweenda a Leza Kuletela Zilongezyo Lino Alimwi Kukabe Akutamani.”