Zyakwaambilizya

◼ Mabbuku aakwaabila mu June: Basikumwaya balakonzya kwaabila imwi akati kamatulakiti aaya aatobela: Amutangale Abuumi Bwamumukwasyi, Mubwini Nguni Ulela Nyika?, naa Sena Mulayanda Kuzyiba Bwiinguzi Bwakasimpe? Ikuti mukamwini ŋanda kajisi luyandisisyo, amumutondezye mbocicitwa ciiyo ca Bbaibbele kwiinda mukubelesya bbuku lya Bbaibbele Ncoliyiisya naa imwi yamabroshuwa aakuti Amumuswiilile Leza naa Amumuswiilile Leza Kutegwa Mukapone Kukabe Kutamani. July a August: Makani Mabotu Aazwa Kuli Leza! naa broshuwa imwi akati kayaaya aatobela aajisi mapeeji aali 32: Mulakonzya Kuba Mulongwe wa Leza!, Amumuswiilile Leza naa Amumuswiilile Leza Kutegwa Mukapone Kukabe Kutamani. September: Mamagazini aa Ngazi Yamulindizi alimwi a Sinsimuka!

◼ Kumamanino aamwezi wa March, banabukwetene ibali 24 bakamanizya Cikolo Cakwiiya Bbaibbele Cabanabukwetene Banakristo mukkilasi yakusaanguna iyakacitilwa mu Zambia. Kabatanaboola kucikolo, banabukwetene aaba bakali kubelekela muzisi ziindene-indene mbuli cisi ca Botswana, Namibia, South Africa, Zambia alimwi a Zimbabwe. Boonse bakatambula mulimo uyoobapa kuti bazibelesye zyintu nzyobakaiya kutegwa bayumye mbungano alimwi amabazu. Eelo kaka cilakulwaizya kuti banji babikka Bwami mubusena bwakusaanguna, kuzumanana kukkala kabatajisi bana alimwi akuubya-ubya buumi bwabo kutegwa bakabelekele kubusena bubulide basikumwaya ba Bwami!