Kwiinduluka Kwamu Cikolo Camulimo Weendelezyegwa a Leza

Nkaambo nzi njiisyo iili mulugwalo lwa Kulonga 23:2 ncoiyandika kapati ciindi notusala zyakulikondelezya? [May 5, w11 7/15 pp. 10-12 minc. 3-7]

Ino wakali kuyandika buti kuutobela mulawo wakuti bapaizi bakeelede kusamba kabatana kutuula zipaizyo kuli Jehova, alimwi mbuti mbocili ciyeekezyo cipati kubabelesi ba Leza mazuba aano? (Kul. 30:18-21) [May 19, w96 7/1 p. 17 munc. 9]

Nkaambo nzi Aroni ncaatakasubulwa akaambo kakupanga moombe wangolida? (Kul. 32:1-8, 25-35) [May 19, w04 4/1 p. 11]

Ino nkweendelena nzi kuliko akati ka Banakristo mbobaabona makani aakweebana alukwatano alimwi amulawo wa Leza wakukasya bana Israyeli kukwata naa kukwatwa kubantu ibakali kukomba baleza bambi? (Kul. 34:12-16) [May 26, w12 5/15 pp. 4-5 munc. 7]

Nkaambo nzi ncocikulwaizya kulindiswe icakabacitikila ba Bezaleli a Aholiabu? (Kul. 35:30-35) [May 26, w10 9/15 p. 10 munc. 13]

Ino cakali kwiibalusya nzi “citondezyo cisetekene cakulyaaba” icakalembedwe acitambala ncaakali kusama mupaizi mupati, alimwi citondezyo eeci cituyiisya nzi kujatikizya kulyaaba? (Kul. 39:30) [June 2, w01 2/1 p. 23 minc. 2-3]

Mukuli nzi ngobajisi Banakristo boonse kujatikizya kulipoota cibi cipati ca Munakristonyina? (Lev. 5:1) [June 9, w12 2/15 p. 22 munc. 15]

Ino zipaizyo zyakutontozya zyakajisi mulimo nzi mupati mumazuba aabana Israyeli, alimwi ino bubambe oobu bwiiminina nzi kulindiswe mazuba aano? (Lev. 7:31-33) [June 16, w12 1/15 p. 19 minc. 11-12]

Ncinzi ceelede kuti cakalijatikizyidwe mucibi cabana ba Aroni ba Nadabu a Abihu, alimwi ziiyo nzi nzyotwiiya mucibalo eeci? (Lev. 10:1, 2, 9) [June 23, w04 6/1 p. 20]

Ino nkaambo nzi kutumbuka ncokwakali kupa kuti mutumbu ‘asofwaale’? (Lev. 12:2, 5) [June 23, w04 6/1 p. 21]