Malipooti Aakulwaizya Aajatikizya Mulimo Wamumuunda
Lipooti Yamwaka Wamulimo wa 2014 itupa twaambo tunji tutupa kukkomana. Bantu bainda ku 790,000 bakajanika ku Ciibalusyo. Twakajisi mweelwe waatala wabasikumwaya uusika ku 170,245. Mumwezi omwe buyo kwakali mweelwe wabasikumwaya uusika ku 28,737 ibakacita bupainiya bwaciindi coonse abwakugwasyilizya. Cilakkomanisya kaka kubona baabo ibakapilusyigwa mumbungano batandila ku 1,000. (Lk. 15:32) Bubambe Bwabukambausi Bwaalubazu bwakukambaukila kubuleya mumadolopo mapati bwazumanana kugwasya bantu banji. Mwezi amwezi, mabbuku aabalilwa ku 7, 000 alaabilwa mumasena aali 5 aamu Lusaka mucitilwa bukambausi bwaalubazu bwakukambaukila kubuleya alimwi kulacitwa nyendo zyakupilukila zinji kubantu batondezya luyandisisyo. Tulamulumba kapati Jehova akaambo kalugwasyo lwakwe alimwi tulamulumba andinywe nyoonse nomwaambilizya ‘bulemu bwamakani mabotu’ akaambo kalusyomo lwanu.—2Kor. 4:4.