Sena Inga Mwasola Mwaka Omwe?

Kusola nzi? Bupainiya bwaciindi coonse! Eelo kaka muyoojana zilongezyo zinji!—Tus. 10:22.

IKUTI MWACITA BUPAINIYA, MULAKONZYA . . .

• kuba bakambausi bacibwene alimwi akuukkomanina kapati mulimo

• kuyumya cilongwe canu a Jehova. Ciindi nomwaambila bamwi kujatikizya Jehova, andinywe mulayeezyegwa bube bwakwe butaliboteli

• kujana lukkomano luboola akaambo kakubikka Bwami mubusena bwakusaanguna muciindi cazintu nzyomuyanda alimwi akujana lukkomano luboola akaambo kakulyaaba akaambo kabamwi.—Mt. 6:33; Mil. 20:35

• kujanika kumuswaangano wabapainiya ciindi nomwaswaigwa amulangizi wabbazu, muswaangano waalubazu uucitwa ciindi camuswaangano wabbazu, alimwi a Cikolo Camulimo Cabapainiya

• kuba azyoolwe zinji zyakutalisya mibandi alimwi akusololela ziiyo zya Bbaibbele zinji

• kuba aciindi cinji cakuyanzana abakambausinyoko, akuyumizyanya ambabo.—Rom. 1:11, 12