July 1-7
BAKOLOSE 1-4
Lwiimbo 56 Amupailo
Majwi Aantalisyo (3 min.)
MBONO IZILI MU JWI LYA LEZA
“Amubusamunune Buntu Bwanu Bwakaindi, Akulisamika Bupya”: (10 min.)
[Amweebelele kavidiyo ka Makani Aantalisyo Aabbuku lya Bakolose.]
Kol. 3:5-9—“Amubusamunune buntu bwanu bwakaindi” (w11 3/15 9-10 ¶12-13)
Kol. 3:10-14—‘Amulisamike buntu bupya’ (w13 9/15 21 ¶18-19)
Kuyandaula Mbono Zyakumuuya: (8 min.)
Kol. 1:13, 14—Ino “bwami bwa Mwanaakwe ngwayandisya” ninzi? (it-2 169 ¶3-5)
Kol. 2:8—Ino “zintu zyantalisyo zyamunyika” zinzi? (w08 8/15 28 ¶8)
Ino kubala Bbaibbele kwansondo iino kwamuyiisya nzi kujatikizya Jehova?
Ino nimbono nzi zimbi zyakumuuya nzyomwakajana mukubala Bbaibbele kwansondo iino?
Kubala Bbaibbele: (4 min.) Kol. 1:1-20 (th ciiyo 2)
AMUSUNGWAALE MUMULIMO WAMUMUUNDA
Amusungwaale Kubala Alimwi Akuyiisya: (10 min.) Mubandi abaswiilizi. Amweebelele kavidiyo kakuti Kwaamba Twaambo Tuluzi Alimwi Tutakonzyi Kuzumbauzyigwa, mpoonya akubandika ciiyo 7 mubroshuwa ya Kubala Alimwi Akuyiisya.
Makani: (5 min.) w04 5/1 29-30 ¶3-7—Mutwe: Ino Banakristo Bamwi Bakali ‘Kumuyumya-yumya’ Buti Paulo? (Kol. 4:11, bupanduluzi buyungizyidwe.) (th ciiyo 7)
KUPONA BUUMI BWA BUNAKRISTO
Lipooti Yaba Kkomiti Iilanganya Ziyiisyigwa Yamu 2018: (15 min.) Amweebelele kavidiyo. Mpoonya mubandike mibuzyo iitobela: Ino muunzila nzi kweenda mbokuli cibeela ciyandika kapati muzintu zicitwa mumbunga yesu? Mbuti Dipatimenti Iilanganya Zyakweenda yaku Maofesi Mapati mboyaabelesya kabotu mali aasangwa kucita zintu zya Bwami? Ino ncinzi basikumwaya ncobakonzya kucita kutegwa bagwasye kucesya mali aa mbunga aabelesyegwa mukweenda? Ino mbuti Dipatimenti Iilanganya Zyakweenda yaku Maofesi Mapati mboiyoobagwasya aabo ibayakuunka kumiswaangano yacooko yamasi mu 2019?
Ciiyo ca Bbaibbele Cambungano: (30 min.) jy cibalo 73
Kwiinduluka Twaambo Twayiigwa Akwaamba Tuyooyiigwa Nsondo Iitobela (3 min.)
Lwiimbo 102 Amupailo