MAY 19-25
TUSIMPI 14
Lwiimbo 89 Amupailo | Majwi Aantalisyo (1 min.)
1. Amuzinzibale Kuyeeya Ntaamu Iili Yoonse Njomuyanda Kubweza Nokwacitika Ntenda
(10 min.)
Mutasyomi “makani oonse” ngomumvwa (Tus. 14:15; w23.02 23 ¶10-12)
Mutasyomi buyo akaambo kambomulimvwa naa zintu zyakamucitikila kaindi (Tus. 14:12)
Tamweelede kubaswiilila aabo bakaka malailile aazwa kumbunga ya Jehova (Tus. 14:7)
MUBUZYO WAKUZINZIBALA KUYEEYA: Nobaalu, sena mulilibambilide kutobela busolozi akusyoma Jehova ciindi nokwacitika ntenda?—w24.07 5 ¶11.
2. Mbono Zyakumuuya
(10 min.)
Tus. 14:29—Mbubotu nzi buliko mukukkazika moyo? (w23.08 25 ¶16)
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?
3. Kubala Bbaibbele
(4 min.) Tus. 14:1-21 (th ciiyo 11)
4. Kutalisya Mubandi
(3 min.) MUBUKAMBAUSI BWAKUBULEYA. Amumwaambile kaambo kamwi kamu Bbaibbele muntu wamwaambila kuti ulalibilika akaambo kakuceya kwamali. (lmd ciiyo 3 kaambo 3)
5. Kupilukila
(4 min.) KUMUNTU UULI AŊANDA. Amwaabile magazini iijisi kaambo kakamukkomanisya muntu ooyo mumubandi wainda. (lmd ciiyo 9 kaambo 4)
6. Kugwasya Bantu Kuti Babe Basikwiiya
(5 min.) Amumukulwaizye sikwiiya wanu kubala Bbaibbele buzuba abuzuba, alimwi amumutondezye mbwakonzya kucita oobo. (th ciiyo 19)
Lwiimbo 126
7. Lyoonse Kamulibambilide Kujatikizya Ntenda
(15 min.) Mubandi.
Weendelezyegwe amwaalu. Amubikkilizye amalailile aazwa kuofesi yamutabi alimwi akukabunga kabaalu, kuti kaaliko.
Mbwaanga tupona “kumazuba aamamanino,” tulangila kuti mapenzi anooyaabwiindila buya. (2Tim. 3:1; Mt. 24:8) Ciindi nokwacitika ntenda, bantu ba Jehova kanji-kanji balatambula malailile aamba mbobakonzya kulikwabilila. Aboobo lufwutuko lwesu luyeeme aakulibambila lino, kumuuya alimwi akumubili.—Tus. 14:6, 8.
Amulibambile kumuuya: Amube acilengwa cibotu cakubala Bbaibbele akucita ciiyo canu nobeni. Amuyungizye luzyibo lwanu munzila zyabukambausi ziindene-indene. Mutalibiliki ikuti mwaandaana kwakaindi kasyoonto abamwi mumbungano. (Tus. 14:30) Tamwaandaanizyidwe kuli Jehova alimwi a Jesu.—od 176 ¶15-17
Amulibambile kumubili: Kuyungizya akabbeeke kajisi zintu ziyandika, mukwasyi umwi aumwi weelede kuyobola zyakulya, maanzi, musamu, alimwi azimwi buyo, ikuti kwayandika kuzwa aŋanda kwaciindi cili mbocibede.—Tus. 22:3; g17.5 4
Amweebelele VIDIYO yakuti Sena Mulilibambilide Kujatikizya Ntenda? Mpoonya mubuzye mibuzyo iitobela:
Mbuti Jehova mbwakonzya kutugwasya nokwacitika ntenda?
Ncinzi ncotukonzya kucita lino kutegwa tulibambile?
Mbuti mbotukonzya kubagwasya bamwi ibajatikizyigwa antenda?
8. Ciiyo ca Bbaibbele Cambungano
(30 min.) bt cibalo 26 ¶18-22, akabbokesi ikali apeeji 209