Tuyandika Nyika Iili Kabotu!
Mulembi mupati wa United Nations uutegwa António Guterres wakaamba kuti: “Tupona munyika iizwide mapenzi.” Sena tamuzumini oobo?
Munyuuzi inga muzwide buyo makani aatyompya
Malwazi alimwi azilwazi ziyambukila
Ntenda zilicitikila
Bucete alimwi anzala
Kusofwaazyigwa kwanyika alimwi akukasaala kwanyika kwiindilide
Bugwebenga, kulwana alimwi amakulo
Nkondo
Cilasalala kuti tuyandika nyika iili kabotu. Inyika mwalo
Munoonyina kuciswa
Bantu boonse mobanookwabilidwe
Munooli zyakulya zinji
Munooli busena buli kabotu
Munooli bululami
Munooli luumuno nyika yoonse
Pele ino ncinzi ncotupandulula ciindi notwaamba zyanyika iili kabotu?
Ino ncinzi ciyoocitika kunyika eeyi motukkala lino?
Ino ncinzi ncotweelede kucita kutegwa tukapone munyika iili kabotu?
Magazini ya Ngazi Yamulindizi eeyi ilapa bwiinguzi bwamu Bbaibbele buumbulizya kumibuzyo eeyi alimwi aimbi.