Makwebo Aatununkilizyo

MUMWAANDA wamyaka wa 16, makwebo aatununkilizyo ngaakali makwebo aakali kuleta mali munyika mbubonya mbwaacita mazuba aano makwebo aamungwimba. Tununkilizyo mbuli nutmeg ama clove, ooto itwakali kuzwa kunsumbu zidumide zitegwa Spice Islands (lino iziitwa kuti nzyooko zya Maluku a North Maluku mu Indonesia), twakali kudula kapati ku Europe.

Basimweenda nyika ba Christopher Columbus, Vasco da Gama, Ferdinand Magellan, Samuel de Champlain, alimwi aba Henry Hudson, boonse buyo bakali kuyandaula nzila iitozya kunsumbu izyakali kutegwa Spice Islands. Akaambo kanyendo zyakusola kujana tununkilizyo twaku Indonesia, bantu bakatalika kuzyiba bwini mbwiiyalidwe nyika yoonse mboizulwa.