Izili Mukati
NSONDO YA MAY 30, 2016–JUNE 5, 2016
3 Kusyomeka Kupa Kukkomaninwa a Leza
Cibalo eeci cilatondezya icakagwasya Jefita amwanaakwe musimbi kuti bazumanane kusyomeka nomuba muziindi zikatazya. Tulaiya ikaambo kukkomaninwa a Leza ncokuyandika kulyaaba ncobeni.
NSONDO YA JUNE 6-12, 2016
9 “Kuliyumya Amukulekele Kuti Kumanizye Mulimo Wankuko”
Kutegwa tukatambule cipego cabuumi butamani, tweelede kuliyumya kusikila kumamanino. Cibalo eeci cilabandika zintu zyone izikonzya kutugwasya kuliyumya alimwi azikozyanyo zyotatwe zyabantu bakaliyumya cakusyomeka. Alimwi cilapandulula kuti kuliyumya kweelede kumanizya mulimo wankuko muli umwi aumwi wandiswe.
NSONDO YA JUNE 13-19, 2016
15 Nkaambo Nzi Ncotweelede Kuswaangana Antoomwe Kutegwa Tukombe Leza?
Kuli zintu zinji izikonzya kupa kuti kacitukatazya kujanika kumiswaangano lyoonse. Cibalo eeci cilatuyumya-yumya kuzumanana kujanika kumiswaangano kwiinda mukupandulula ikaambo kujanika kumiswaangano ncokutugwasya swebo abantu bamwi alimwi akaambo ncokumukkomanisya Jehova.
NSONDO YA JUNE 20-26, 2016
21 Amuzumanane Kutatola Lubazu Mutwaambo Twacisi Munyika Eeyi Iitakamantene
Nokuba kuti mfwulumende zinji mazuba aano zilatuzumizya kutatola lubazu mutwaambo twacisi, mbotuyaabuswena afwaafwi amamanino tulakonzya kulangila kuti mfwulumende eezyi zinooyaabulucesya lwaanguluko oolu. Mucibalo eeci, tulalanga-langa zintu zyone iziyootugwasya kuzumanana kusyomeka kuli Jehova.
27 Makani aabuumi—Ibakali Bamasiite Kaindi Baba Banabokwabo Beni-Beni Kumuuya