MAKANI AAYEEME AMUTWE UULI ACIVWUMBYO | SENA MULABWEENDELEZYA BUUMI BWANU?
Sena Inga Mwabweendelezya Buumi Bwanu?
MAZUBA aano, kunyina muntu uuli mubukkale bulondokede. Kanji-kanji, cikonzya kugwasya nkubuzumina bukkale oobo alimwi akucita zintu kweelana abukkale mbobubede. Ikuti kamucikonzya kucita zintu zimwi mubukkale momubede, nkokuti cili kabotu. Ikuti zintu ziyaabuba kabotu, eeco cilainda kubota. Pele kuli bubotu buboola kumbele.
Bbaibbele lisyomezya kuti ciyoosika ciindi bantu boonse nobayoocikonzya kweendelezya buumi bwabo. Bayoopona buumi bubotu. Kunoonyina zintu zityompya, zyakulibilika mubuumi, alimwi akulimvwa bubi. (Isaya 65:21, 22) Bbaibbele lyaamba buumi oobu kuti ‘mbuumi bwini-bwini.’—1 Timoteyo 6:19.
“Bayooyaka maanda akukkala mulingawo, bayoosyanga myuunda yamisaansa akulya micelo yanjiyo. Tabakayaki maanda kuti muntu uumbi akakkale nguwe mulingawo, alimwi tabakasyangi myuunda kuti muntu uumbi akalye nguwe micelo yanjiyo. Nkaambo mazuba aabantu bangu ayooba mbuli mazuba aacisamu, alimwi basale bangu bayakwiikkomanina kapati milimo yamaanza aabo.”—Isaya 65:21, 22.