Kuzwa ku Egepita Kusikila ku Nyika Yakasyomezyegwa
KOONSE-KOONSE bantu balikuzyi Kulonga kwakacitika kuzwa ku Egepita. Pele ino ncinzi cakali kuyoocitikila Musa alimwi abantu ba Leza eelyo nobakali kunooli mutala lya Lwizi Lusalala? Ino nkuukuli nkobakatozya, alimwi mbuti mbobakasika ku Mulonga wa Jordano kutegwa banjile mu Nyika Yakasyomezyegwa?
Bakakanzide nyika ya Kanana, pele Musa tanaakatola nzila mfwaafwi—yamakkilomita aatandila ku 400 kutobelezya nkomwe yamuseenga ya Lwizi lwa Mediterranean—yalo yakali kunga yabainzya mu Filistiya, icooko cabasinkondo babo. Alimwi kunyina naakatozya mutala lyacooko cipati canyika cibulide kaniini kuba nsumbu ica Sinai, ooko ikupya kunji nkokwakali kuumpa cibeela calubwe-lubwe amabwe aatuba. Musa wakasololela bantu kugama kumusanza, kabatobelezya nkomwe yacibanda iimanikide. Ibusena bwakusaanguna mpobakaima mpaa Mara, aawo Jehova mpaakabotya maanzi aakali kulula.a Nobakazwa ku Elimu, ibantu bakatalika kutongooka kujatikizya cakulya; eelyo Leza wakabapa bakancele mpoonya kumbele imana. Ku Refidimu, ibantu bakatongaukila Musa alimwi kujatikizya maanzi, ibana Amaleki ibakabalwana bakazundwa alimwi syaanyinazyala Musa wakamukulwaizya kulomba lugwasyo kuzwa kubaalumi ibakali kweelela.—Ku, zyaandaano 15-18.
Mpoonya Musa wakasololela bana Israyeli kugama kumalundu aali kumusanza kwini, baakwiima aa Cilundu ca Sinai. Ooko bantu ba Leza bakatambula Mulawo, bakayaka tente lyakuswaanganina alimwi bakatuula zituuzyo. Mumwaka wabili, bakatozya kunyika kwiinda akati “kankanda impati iiyoosya,” ikugama kucooko ca Kadesi (Kadesi-Barinea) imusinzo uulangilwa kuti wakabatolela mazuba aali 11 kuyoosika. (Dt 1:1, 2, 19; 8:15) Akaambo kakuti bakayoowa nobakamvwa mpuwo mbyaabi yakaambwaa basikutwela ibali kkumi, ibantu aabo bakaingaila kwamyaka iili 38. (My 13:1–14:34) Akati kamasena nkobakaima kwakali Ebirona alimwi a Ezioni Geberi, mpoonya bakapilukila ku Kadesi.—My 33:33-36.
Kumamanino eelyo bana Israyeli nobakaswena afwaafwi a Nyika Yakasyomezyegwa, kunyina pe nobakabukaa kugama kunyika. Inzila yabo yakabazingulusya akati kacooko ca Edomu mpoonya akugama kunyika kubelesya “mugwagwa wamwami,” nkokuti Nzila ya Mwami. (My 21:22; Dt 2:1-8) Cakali ciyumu kapati kumusyobo ooyo oonse—iwakajisi bana, banyama bakuvwuba alimwi amatente—ikweenda munzila eeyi. Bakeelede kweenda munzila yakali kunyonauka, kukunuka alimwi akutanta mumajeleele aakatazya kwiinda alimwi malamfwu—aa Zeredi alimwi a Arinoni (aalampa mamita aatandila ku 520 kuyaansi).—Dt 2:13, 14, 24.
Kumamanino, bana Israyeli bakasika ku Cilundu ca Nebo. Miriamu wakalifwide kale ku Kadesi a Aroni ku Cilundu ca Hori. Lino Musa wakafwa aabusena mpaakali kukonzya kubona nyika njaakali kuyandisya kapati kuti akiinjile. (Dt 32:48-52; 34:1-5) Lino imukuli wakusololela bana Israyeli ikunjila munyika eeyo wakapegwa Joshua, ikumanizya musinzo wakatalikide myaka iili 40 musyule.—Jos 1:1-4.
Bupanduluzi buyungizidwe
a Mpaakabede eeni masena mpobakali kwiima taazyibidwe kabotu pe.
[Kabbokesi kali apeeji 8]
MABBUKU AA BBAIBBELE AAKALEMBWA KUZWA KUCIINDI EECI AKALI:
Matalikilo
Kulonga
Levitiko
Myeelwe
Deuteronomo
Jobu
Intembauzyo (cibeela buyo)
[Maapu iili apeeji 9]
(Kutegwa mubone bwini mbwaakkede mabala, amubone bbuku lini)
Inzila Njobakabelesyla Bana Israyeli Migwagwa Mipati
Inzila Yakali Kubelesyegwaa Beendaa Mankamela
A7 EGEPITA
A5 Ramese?
B5 Sukoti?
C5 Etamu?
C5 Pihahiroti
D6 Mara
D6 Elimu
INKANDA YA SINI
E7 Dofeka
F8 Refidimu
F8 Cilundu ca Sinai (Horebu)
F8 INKANDA YA SINAI
F7 Kibiroti Hatava
G7 Hazeroti
G6 Rimoni-Perezi
G5 Risa
G3 Kadesi
G3 Bene-Jakani
G5 Hori Hagidigadi
H5 Jotibata
H5 Ebirona
H6 Ezion Geberi
G3 Kadesi
G3 INKANDA YA ZINI
H3 Cilundu ca Hori
H3 Zalimona
I3 Punoni
I3 Iyebarimu
I2 MOABU
I1 Diboni
I1 Alimoni Dibilataimu
H1 Jeriko
[Masena aamwi]
A3 GOSENI
A4 Oni
A5 Mofi (Nofi)
B3 Zoani
B3 Tahapanesi
C5 Migidoli
D3 SURI
D5 INKANDA YA ETAMU
F5 INKANDA YA PARANI
G1 FILISTIYA
G1 Asidodo
G2 Gaza
G2 Beereseba
G3 Azimoni
G3 NEGEBI
H1 Jerusalemu
H1 Hebroni (Kiriyati-ariba)
H2 Aradi (yaku Kanana)
H4 SEIRI
H4 EDOMU
I7 MIDYANI
Migwagwa Mipati
Nzila Yiinda ku Cisi Caba Filisti
Nzila Yakuya ku Suri
Mugwagwa wa Mwami
Caravan Route
Inzila ya El Haj
[Malundu]
I1 Cilundu ca Nebo
[Zizyiba zyamaanzi]
E2 Lwizi lwa Mediterranean (Lwizi Lupati)
D7/G7 Lwizi Lusalala
I1 Lwizi lwa Munyo
[Milonga alimwi atulonga]
A6 Mulonga wa Nile
F3 M.W. ka Egepita
I2 Arinoni
I3 Zeredi
[Cifwanikiso icili apeeji 8]
Ibantu babelesya nkamela bakali kukosola cibeela canyika cibulide kaniini kuba nsumbu ica Sinai
[Cifwanikiso icili apeeji 8]
Bana Israyeli bakakkala-kkala munsi lya Cilundu ca Sinai
[Cifwanikiso icili apeeji 9]
Imaanzi akali kuzwa mutukunka ku Kadesi naa munsi-munsi a Kadesi
[Cifwanikiso icili apeeji 9]
Bana Israyeli boonse bakainda mumumpata wakalonga ka Arinoni