LWIIMBO 48
Kweenda a Jehova Abuzuba
Iikonzya Kupulintwa
(Mika 6:8)
1. Atweende cakulibombya
a Leza Taata siluyando.
Luzyalo lwakwe ndupati
Kubantu ibamuyandisya!
Leza wabikka bubambe;
Ibwakweenda anguwe.
Aboobo swebo twalyaaba;
Kuba kulubazu lwakwe.
2. Mbotuli kumamanino,
Saatani wanyema kapati,
Uyanda kuti tuleke
Kumubelekela Jehova.
Pele Leza nguutuvwuna;
Tukkale munsi lyakwe,
Tumubelekele lyoonse.
Tutaleki kumusyoma.
3. Leza watupa lugwasyo;
Kwiinda mu Jwi ambunga yakwe.
Ikwiinda mumuuya wakwe,
Amipailo yesu njamvwa.
Mbotuyaabweenda a Leza,
Lyoonse uyootugwasya
Kuyandisya kusyomeka
Akweenda cakulibombya.
(Alimwi amubone Matl. 5:24; 6:9; 1Bam. 2:3, 4.)