Sena Kulya Kwanu Munzila Yakumuuya Kulizulide?
1 Bakaindi bakati ‘mutwa ununka twalya.’ Inzya, ikubaa nguzu alimwi abuumi bubotu kujatikizyigwa kapati ambuli mbotulya. Mbwaanga Jesu wakati: “Teensi insima ilike njaaponena muntu, ulaponena amajwi oonse aazwa kumulomo wa-Leza,” mbweena buyo cilengwa cesu cakulya munzila yakumuuya cilakonzya kutupa kuba kabotu naa kutaba kabotu. (Mt. 4:4) Ino kulya kwanu kwakumuuya kulizulide? Sena muli umwi wabaabo batakkalikani caboola kukulya? Sena muli bamulyakubinda? Antela cilamukonda lyoonse kutola ciindi cilamfwu kulya cakulya civweledwe kabotu alimwi azyakulya zyakumuuya zijisi busani?
2 Amucilange-Lange Cakulya Canu: Jehova ulapa ‘zilyo zyakwe kuciindi ceelede’ alimwi a “pobwe lyazintu zyamafuta” kwiinda “[mu]muzike musyomesi uucenjede.” (Mt. 24:45; Is. 25:6) Ikutegwa tugwasyigwe kububambe oobu bwaluyando, tweelede kusolekesya kulya kabotu munzila yakumuuya.
3 Mulakonzya kulibuzya kuti: ‘Sena ndilalubala lugwalo lwabuzubaa buzuba alimwi amakani aalusindikizya? Sena ndilalibala Bbaibbele buzubaa buzuba alimwi akuzinzibala kuyeeya kuli zyeezyo zyindabala? Sena ndilalibambila miswaangano yambungano muciindi ceelede, kwiinda mukubala ziyooyiigwa? Sena ndakaabala kale mabbuku eesu mapya kubikkilizyaa Isaiah’s Prophecy—Light for All Mankind? mavolyumu woonse obilo?’
4 Jesu wakasyomezya kuti: “Bali acoolwe [balangaula zyaku]muuya . . . Bali acoolwe abo bafwa inzala yabululami anyota yambubo, nkaambo bazookuta.” (Mt. 5:3, 6) Aboobo, kamulya kabotu munzila yakumuuya kwiinda mukusanina mizeezo yanu alimwi amoyo iluzibo lwa Leza.