Nzyomweelede Kwaamba Kujatikizya Mamagazini

Ngazi Yamulindizi Oct. 1

Notuzinzibala kuyeeya bukkale anzyobakali kucita bami, basinsimi alimwi abantu bamwi baambidwe mu 2 Bami, sena muyeeya kuti kuli ncotukonzya kwiiya mazuba ano? [Amulindile bwiinguzi. Mpoonya amubale Ba-Roma 15:4.] Eeci cibalo cilapandulula zintu nzyotweelede kusoleka kucita anzyotweelede kutantamuka. Alimwi cilatondezya mbuli muuya wa Leza mbowakamugwasya Elisha kuti acite maleele aali 16.

Ngazi Yamulindizi Oct. 1

Mazuba ano bantu banji balakatazyigwa kumusyoma Leza. Ino muyeeya kuti nkaambo nzi? [Amulindile bwiinguzi.] Eeyi magazini ilijisi cibalo citondezya mpindu zijanika mukweenda calusyomo alimwi akutyompwa kuboola akaambo kakusyoma zintu ziboneka. Amubale 2 Ba-Korinto 4:18.

Ngazi Yamulindizi Oct. 1

Amubale mubuzyo uuli acivwumbyo. Mpoonya amubuzye kuti: “Sena mulicizyi citondezyo cili mukwaambwa awa? [Amulindile bwiinguzi. Mpoonya amubale Matayo 24:3.] Eeyi Ngazi Yamulindizi ilalanga-langa twaambo tosanwe tupati-pati twa citondezyo eci alimwi ilapandulula ncotuyandika kucizyiba.” Amubatondezye kabbokesi kali apeeji 6.

Ngazi Yamulindizi Oct. 1

Ikuba baumi ncibotu kapati. Sena muyeeya kuti kuli ncotukonzya kumupa Mulengi wesu? [Amulindile bwiinguzi. Mpoonya amubale Intembauzyo 148:12, 13.] Eeyi magazini ilatondezya ncotukonzya kucita toonse, kunyina makani tuli bana naa bapati kutegwa tumutembaule Leza. Alimwi ilapandulula mulimo ngobajisi bazyali mukuyiisya bana baabo kuba abube bwa Leza.