Bubambe Bupya bwa Muswaangano Wabbazu

Bantu bamunyika bayanda kuti tusyome kuti bukkale oobu buliko lino bunooliko kukabe kutamani. Nokuba boobo, Jwi lya Leza tabusyi mbolyaamba. (1 Joh. 2:15-17) Lilatugwasya kumvwisya kuti ‘kuliyobweda lubono anyika’ takugwasyi pe. Kutegwa bantu ba Leza bayumizigwe, pulogilamu yamuswaangano wabbazu wamwaka wamulimo wa 2007 iyoopandulula mutwe wakuti, “Amuliyobwede Lubono Kujulu.”—Mt. 6:19, 20.

Kuyandisya lubono kulibikkilizyidwe kuli ceeco caambidwe kulugwalo lwa Ba-Efeso 2:2 kuba mbuli “bwami bwakumuuwo nguwenya muuya uubeleka sunu mumyoyo yabana bakasampusampu.” Mbubwenya muuwo wini mbouliko koonse-koonse, uulibambilide kuyeekwa naa kuyoywa, mbubonya oobo “muuya waansi ano” mboudumide mubukkale oobu. (1 Kor. 2:12) Mbokunga kuyunga kwawo kujisi nguzu kapati, waambwa kuti ujisi “bwami.” Pulogilamu mpya yamuswaangano wabbazu iyootugwasya kukutantamuka kuyandisya lubono alimwi akubikkila maanu kucintu ciyandika kapati. (Mt. 6:33) Kuyungizya waawo, ipulogilamu iyootugwasya kusyoma Jehova notubeleka mulimo wesu nomuba muziindi notupenzyegwa alimwi akusukusyigwa.

Amube masimpe kuti mukajanike mazuba woonse obile akubona kuti ‘mulaswiililisya.’ (Bahi. 2:1, Ci) Amukalembe twaambo mubufwaafwi ooto ntomukonzya kubelesya mubuumi bwanu alimwi amumulimo wabukambausi. Kwiinda mukujanika kumatalikilo kwini kusikila kumamanino kwini kwapulogilamu eeyi iivwubya kumuuya, muyookulwaizyigwa alimwi akuyumizyigwa kuzumanana ‘kuliyobweda lubono kujulu’!