Sena Mwakalibelesya Kale Peeji Lyamamanino?

Iziindi zinji, bantu babweza magazini, basaanguna kulanga mpoili atala ankoili kunze. Nkoili kunze, Ngazi Yamulindizi yakwaabila kubuleya ilijisi mibuzyo atwaambo tukondelezya alimwi kulitondezyedwe mapeeji nkotujanika twaambo otu.

Tulakonzya kubelesya cibeela eeci kutalisya mubandi. Ikuti katukambaukila mucilawo cesu lyoonse, tweelede kucinca-cinca mbotutalisya mibandi kwiinda mukubelesya mibuzyo iindene-indene mukati kamwezi. Ikuti naa mwiniŋanda ujisi bubi, inga twawufwiinsya mubandi kwiinda mukumutondezya mubuzyo omwe akumwaambila kuti, “Ikuti kamuyanda kuzyiba bwiinguzi kumubuzyo ooyu, inga ndamusiila magazini eeyi kutegwa tuzikubandike mwajana ciindi.” Basikumwaya bamwi inga batalisya mubandi kwiinda mukumutondezya mwiniŋanda mibuzyo iili kumamanino amagazini akumulomba kuti asale ngwayanda. Sikumwaya ulakonzya kumutondezya mwiniŋanda bwiinguzi mpobujanika alimwi akubala lugwalo lomwe ndwaalibambila. Ambweni mulakonzya kuyeeya nzila zimbi mbomukonzya kubelesya peeji lyamamanino kutegwa baikkomanine Ngazi Yamulindizi.