“Kuyungizya Luzyibo Lwesu Mumulimo Wakukambauka—Kulibambila Majwi Aantalisyo”

Ikaambo Ncociyandika: Ikuti majwi eesu aantalisyo kaatapi muntu kuba aluyandisisyo, mukamwini ŋanda ulakonzya kuukosola mubandi katutanapa bumboni. Aboobo, majwi eesu aantalisyo ncibeela ciyandika kapati mukutalisya mubandi. Nokuba kuti zitondezyo zyacikozyanyo zilapegwa mu Mulimo Wesu wa Bwami alimwi amubbuku lya Reasoning, talili lyoonse nozijisi ntalisyo zizulide zikonzya kutugwasya kucinca majwi. Nokuba kuti citondezyo cacikozyanyo cilijisi majwi oonse aayandika, basikumwaya balakonzya kusala kucicinca naa kulibambila majwi aabo beni. Aboobo, tuyoozwidilila kapati ikuti katulibambila kabotu majwi aantalisyo muciindi cakwaamba buyo kufwumbwa caboola kumoyo ciindi mukamwini ŋanda naatujalwida mulyango.—Tus. 15:28.