Amubelesye Buumi Bwanu Kutembaula Jehova!

Buumi ncipego ciinda kubota. Mbotucibelesya cipego eeci buzuba abuzuba citondezya mbotucikkomanina. Mbuli Bakamboni ba Jehova, tulasolekesya kubelesya zipego zyesu alimwi aluzyibo kulemeka Jehova, Sikupa buumi. (Int. 36:9; Ciy. 4:11) Pele kulibilika kuboola akaambo kabuumi bwabuzuba abuzuba munyika eeyi mbyaabi kulakonzya kupa kuti tuye ansi kumuuya. (Mk. 4:18, 19) Umwi aumwi wesu weelede kulibuzya kuti: ‘Sena ncobeni ndipa Jehova zintu ziinda kubota? (Hos. 14:2) Ino mulimo wangu wakumubili uujatikizya buti mulimo wangu kuli Jehova? Ino ndijisi mbaakani nzi zyakumuuya? Mbuti mbondikonzya kuyungizya mulimo wangu wakukambauka?’ Ikuti naa mwabona mpomweelede kululamika, amupaile kuli Jehova kutegwa amugwasye mpomweelede kucinca. Kakunyina kudooneka, kutembaula Jehova buzuba abuzuba kuyoomupa kukkomana alimwi akukkutila mubuumi!—Int. 61:8.

AMWEEBELELE KAVIDIYO KAKUTI AMUCIBELESYE CIPEGO CANU MUMULIMO WA JEHOVA, MWAMANA MWIINGULE MIBUZYO IITOBELA:

• Nkaambo nzi ncocitali cabusongo kubelesya zipego zyanu munyika ya Saatani? (1Joh. 2:17)

• Ino nzilongezyo nzi ziboola kuli baabo ibapa Jehova zintu ziinda kubota?

• Ino muumbazu nzi zyamulimo uusetekene momukonzya kulisungula kubelesya zipego zyanu alimwi aluzyibo?