Nzila Zikonzya Kumugwasya Kuyeeya Magwalo

Sena kuli nomwakalubide kale lugwalo lwamu Bbaibbele ndomuyandisya kapati? Ambweni ndugwalo lumuumbulizya, ilumugwasya kulwana mizeezo iitaluzi naa ndomwakali kuyanda kwaambila bamwi. (Int. 119:​11, 111) Ikuti kacili boobo, amubone nzila zimwi zikonzya kumugwasya kuyeeya magwalo.

• Amubelesye cibeela cakuti ma tag cijanika mu JW Library^® app. Amupange tag iilembedwe kuti “Magwalo Ngondiyandisya,” akubikka magwalo oonse ngomuyanda kuti kamuyeeya mucibeela eeco.a

• Amulubikke lugwalo mpomukonzya kunoolubona lyoonse. Amulembe lugwalo ndomuyanda akapepa mpoonya akukabikka aawo mpomukonzya kunookabona. Mucikozyanyo, bamwi basala kukabikka agilazi, afiliji naa kubwaanda. Mpoonya bamwi balalukkopa akulubikka asikkilini yaafooni yabo naa yakkompyuta.

• Amupange tukkaadi. Amulembe lugwalo ndomuyanda kulubazu lumwi lwakakkaadi, mpoonya kulubazu lumbi amulembe majwi aajanika mulugwalo oolo. Kumane amulange lugwalo ndomwalemba akusola kuzubulula majwi aajanika mumo naa kulanga kulubazu nkomwalemba majwi mpoonya akusola kwaamba lugwalo mwaajanika majwi aayo.