Amugwasyigwe Amagwalo Aajisi Twaambo Tukozyenye

Magwalo aajisi twaambo tukozyenye aajanika mu Bbaibbele lya Busanduluzi Bwanyika Mpya atondezya twaambo tuli mu Bbaibbele mbotweendelana kwiinda mukubikka magwalo aambi aajisi twaambo tuyungizyidwe kujatikizya kaambo aako. Kutegwa mwaajane magwalo aaya aajisi twaambo tukozyenye, mweelede kusaanguna kulanga kabala kasyoonto ikali kumbele aabbala. Mpoonya ikuti kamubelesya Bbaibbele lisimbidwe, amukalange kabala nkamunya aako kumbali aa Bbaibbele lyanu kutegwa mujane magwalo aajisi twaambo tukozyenye. A jw.org naa a JW Library^® app, amutyanke kabala aako kutegwa mujane magwalo aajisi twaambo tukozyenye.

Magwalo aajisi twaambo tukozyenye alakonzya kumutola kutwaambo tutobela naa tumbi tunji:

Zibalo Zikozyenye: Magwalo aajisi twaambo tukozyenye alakonzya kumutola kucibalo cimbi caamba cintu ncimunya cakacitika mubbuku limbi lyamu Bbaibbele. Mucikozyanyo, amubone lugwalo lwa 2 Samuele 24:1 alimwi a 1 Makani 21:1.

Majwi aakazubululwa: Majwi aajisi twaambo tukozyenye alakonzya kutondezya majwi aayo nkwaakazwa. Mucikozyanyo, amubone lugwalo lwa Matayo 4:4 alimwi a Deuteronomo 8:3.

Businsimi ibwakazuzikizyigwa: Magwalo aaya alakonzya kutondezya businsimi alimwi ambobwakazuzikizyigwa. Mucikozyanyo, amubone lugwalo lwa Matayo 21:5 alimwi a Zekariya 9:9.