Ino Bwami bwa Leza Buyoocita Nzi Kujatikizya Basimapolitikisi Bampelenge

Bantu bayanda beendelezi bamfwulumende mbobakonzya kusyoma; bakatala abasimapolitikisi bampelenge. Mubuvwuntauzi bwakacitwa mumasi aaindene-indene alimwi akumwaigwa mu 2023, ibanji bakaamba kuti bantu mbobatakali kusyoma mbeendelezi bamfwulumende.a

Bbaibbele lilaamba kujatikizya mfwulumende iijisi Mweendelezi uusyomeka cakumaninina alimwi uutaciti makulo. Mfwulumende eeyo Mbwami bwa Leza alimwi Mweendelezi wanjiyo ngu Jesu Kristo.​—Isaya 9:7.

Jesu watondezya kwiinda mumilimo yakwe kuti ulababikkila maano ncobeni bantu. (Matayo 9:35, 36) Mbwali Mwami wa Bwami bwa Leza, uyooleta bululami aluumuno kubantu boonse ibazumina bweendelezi bwakwe.​—Intembauzyo 72:12-14.