Bupanduluzi Buyungizyidwe

c Cibalo eeci cilatwaambila zyintu zyobilo nzyobakacita izitondezya kubula bulemu. Cakusaanguna, Mulawo cakutainda mumbali wakali kwaamba zituli zyanyama yacipaizyo cacituuzyo izyakeelede kupegwa kubapaizi kuti balye. (Dt. 18:3) Pele kutente, bapaizi babi tiibakali kuutobela mulawo ooyo. Bakali kwaambila basikubagwasyilizya kuti babazubwide zituli mumpoto, akubweza kufwumbwa cituli ncobasala. Cabili, ciindi bantu nobakali kuleta zipaizyo zyakuumpa acipaililo, bapaizi babi bakali kwaambila basikubagwasyilizya kuti babakonge basikupa zipaizyo, akubaambila kuti babape nyama iitajikidwe nokuba kuti mafwuta taanatuulwa kuli Jehova.—Lev. 3:3-5; 1 Sam. 2:13-17.