Bupanduluzi Buyungizyidwe

a Mbobali kulubazu lwa Bwami bwa Leza, Bakamboni ba Jehova tabatoli lubazu mumakani atwaambo twacisi naa mukuzangila mfwulumende nomuba mumasi Bakamboni mobakasidwe kubeleka mulimo wabo antela mobapenzyegwa. (Tito 3:1) Muciindi caboobo, balasoleka ikugwasilizya kabotu-kabotu munzila yakumuuya iitajatikizyi twaambo twacisi mbubwenya mbuli mbwaakacita Jesu alimwi abasikwiiya bakwe bamumwaanda wamyaka wakusaanguna. Bakamboni balasoleka ikugwasya bantu babombe myoyo kuli koonse nkobabede ikutobela njiisyo zibotu zyamu Bbaibbele mbuli kubaa luyando mumikwasyi, kusyomeka, kulilemeka alimwi akubeleka kabotu abantu mbotubeleka limwi. Balasoleka kubayiisya mbobakonzya kuzitobela njiisyo zyamu Bbaibbele alimwi akubaa lusyomo mu Bwami bwa Leza ikuti ndoluyoomanizya mapenzi aabantu oonse.