-
Ino Buumi Bwakatalika Buti?Amupone Kukabe Kutamani!—Lwiiyo Lwamu Bbaibbele
-
-
3. Ncinzi cipa kuti bantu kabaindene abanyama?
Naakamana kulenga nyika, Jehova wakalenga zintu zipona. Cakusaanguna, wakalenga zisyango alimwi abanyama. Kumane, “Leza wakalenga muntu mucinkozya cakwe.” (Amubale Matalikilo 1:27.) Ncinzi cipa kuti bantu kabaindene abanyama? Mbwaanga twakalengwa mucinkonzya ca Leza, tulakonzya kutondezya bube mbwajisi walo, mbuli luyando alimwi abululami. Wakatulenga munzila yakuti katucikonzya kwiiya myaambo, kukkomanina zintu zibotu alimwi anyimbo. Kwiindana abanyama, swebo tulakonzya kumukomba Mulengi.
-
-
Ino Buumi Bwakatalika Buti?Amupone Kukabe Kutamani!—Lwiiyo Lwamu Bbaibbele
-
-
5. Makani aamu Bbaibbele aamba zyakulenga ngamasimpe
Kulugwalo lwa Matalikilo caandaano 1, Bbaibbele lyaamba nyika mboyakalengwa alimwi azintu zipona. Sena inga mwaasyoma makani aaya, naa ngakubeja? Atweebelele VIDIYO, akubandika mibuzyo iitobela.
Sena Bbaibbele lyaamba kuti nyika alimwi azintu zipona zyakalengwa mumazuba aali cisambomwe aajisi mawoola aali 24 aakulenga?
Nkaambo nzi ncomusyoma kuti makani aamu Bbaibbele aamba zyakulenga ngamasimpe?
Amubale Matalikilo 1:1, akubandika mubuzyo ooyu:
Basayaansi baamba kuti julu anyika zilijisi matalikilo. Mbuti ncobaamba mboceendelana ancomwabala mu Bbaibbele?
Bamwi balalibuzya kuti naa Leza wakabelesya zintu zyakasanduka buya kulenga zintu zipona. Amubale Matalikilo 1:21, 25, 27, akubandika mibuzyo eeyi:
Sena Bbaibbele liyiisya kuti Leza wakapanga cintu cimwi cipona akulekela kuti cisanduke kuba nswi, banyama alimwi abantu? Naa sena ngowakalenga “misyobo” yoonse yazintu zipona?b
-