• Jehova—Ooyo Singuzu
    Ngazi Yamulindizi—2000 | March 1

    • 5. Mbumboni nzi bwanguzu zya Jehova mbotujana mumilimo yakwe?

      5 Ikuti ‘milimo ya Jehova twailingula-lingula’ mbuli bwakacita Davida, tuyoobona bumboni bwanguzu zyakwe koonse-koonse, muluwo amumayuwe, mukuzuma amundabo, mumilonga mipati amalundu. (Intembauzyo 111:2; Jobu 26:12-14) Kunze lyaboobo, mbubwenya Jehova mbwaakaibalusya Jobu, abalo banyama balazitondezya nguzu Zyakwe. Akati kabanyama aba kuli imvwuvwu naa civwubwe. Jehova wakaambila Jobu kuti: “Langa nguzu zyazibelo zyakwe . . . Zifuwa zyeyo zili mbuli mapompi aamukuba.” (Jobu 40:15-18) Azyalo nguzu zyamunyati zyakalizizyilwe kabotu kuciindi ca Bbaibbele alimwi Davida wakapaila kutegwa afwutulwe “kumulomo wamulavu, . . . [a]kumeja aabanyati.”—Intembauzyo 22:21; Jobu 39:9-11.

      6. Ino mupoho wiiminina nzi mu Magwalo, alimwi nkaambo nzi? (Amubone kagwalo kakunsi.)

      6 Akaambo kanguzu zyakwe, mupoho ulabelesegwa mu Bbaibbele ikwiiminina nguzu zya Jehova.c Icilengaano mwaapostolo Johane ncaakabona kujatikizya cuuno ca Jehova cabwami cakajisi banyama bone, umwi akati kabo wakajisi busyu buli mbuli bwamoombe. (Ciyubunuzyo 4:6, 7) Kweelanaa bumboni buliko, ibube bumwi akati kabube bone bwa Jehova bupati ibutondezyegwaa bakerebimu aba ninguzu. Ibumwi akati kabo nduyando, busongo alimwi abululami. Mbwaanga nguzu ncibeela cimwi ciyandika kapati kubube bwa Leza, ikuziteelela kabotu nguzu zyakwe alimwi ambwazibelesya kuyootuswenya kulinguwe akutugwasya kwiiya cikozyanyo cakwe kwiinda mukubelesya nguzu zyoonse nzyotujisi.—Ba-Efeso 5:1.

  • Jehova—Ooyo Singuzu
    Ngazi Yamulindizi—2000 | March 1

    • c Imunyati iwaambwa mu Bbaibbele ngwamusyobo wabanyama uutegwa aurochs (muci Latini wiitwa kuti urus). Imyaka iili 2,000 yainda, ibanyama aba bakali kujanika ku Gaul (cisi ca France ono), alimwi kujatikizya banyama aba Julius Caesar wakabapandulula kuti: “Aabo ba uri baleeleneelene abazovwu kukomena, pele uli mbuli mupoho. Balaanguzu alimwi mbaasiluno kapati: kunyina ngobeengelela, balanyonyoona bantu abanyama bambi kufwumbwa buyo kubabona.”