-
Taakwe Cikonzya “Kutwaandaanya Kuluyando lwa Leza”Amube Acilongwe a Jehova
-
-
19 Jehova ngusilweetelelo. Ino lweetelelo ninzi? Imunakristo uucembeede umwi uusyomeka wakati: “Lweetelelo nkucisa kwako nkondimvwa mumoyo wangu.” Sena ncobeni kuli mbwalimvwa Jehova akaambo kakucisa nkotujisi? Kujatikizya kupenga kwabantu bakwe bana Israyeli, tubala kuti: “Mumapenzi aabo oonse wakali kupenga mumoyo awalo.” (Isaya 63:9) Jehova tanaakaabona buyo pe mapenzi ngobakajisi; pele wakabeetelela bantu aabo. Ikweetela ooku kulitondezyedwe amajwi aa Jehova mwini kubabelesi bakwe aakuti: “Kufwumbwa uumuguma nywebo uguma mboni yaliso lyangu.”b (Zekariya 2:8) Eelo eeco inga cacisa kapati kaka! Inzya, Jehova ulatweetelela. Notumvwa kucisa, awalo ulakumvwa mbubwenya.
-
-
Taakwe Cikonzya “Kutwaandaanya Kuluyando lwa Leza”Amube Acilongwe a Jehova
-
-
b Amwi ma Bbaibbele ikapango aaka akasandulula kuti, ooyo uuguma bantu ba Leza uguma liso lyakwe mwini naa lya Israyeli, ikutali liso lya Leza pe. Oobu busanduluzi bulubide bwakaletwa abalembi bamwi ibakalimvwa kuti cibalo eeci taceeleli, eelyo bakayanda kuti bacilulamike. Ikusoleka kwabo kwabumpelenge kwakasisa bwini mbwalimvwa Jehova.
-